Tito 1:8 - Nuevo Testamento Tzeltal de Amatenango

⁸ Ya skꞌan te jun yoꞌtan ya xꞌotseswan ta snae, sok te jun yoꞌtan yuꞌun te tut leke, sok te ay lek spꞌijile, sok te toj aye, sok te ben lek ta stojol Diose, sok te stukel ya snaꞌ tut ya skom sbae.

Bible in Tzeltal Bachajón

⁸ Ha ya sc'an te ya x'otseswan ta sna, te c'ux ta yo'tan te bin lec, te ya stsahtay sba, toj yo'tan, ch'ultesbil, soc ya xhu' scomel sba.

Bible in Tzeltal de Oxchuc y Tenejapa

⁸ Ja' ya sc'an te ay yutsil yo'tan ya xnajc'anwane, te toyol yo'tan yu'un te bila lec ta pasele, te ma xjelawe, te toj yac'oj sba ta q'uinale, te ch'ulajem yo'tane, te ya sna' scomel sba ta stuquele.

Tito 1:8 ပူးပေါင်းရင်းမြစ်များ

San Lucas 2:25

Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

Hechos 24:25

Pero kꞌalal la yaꞌbiyanbe te jPablo tutꞌil ya skꞌan te toj ya xkuxuyinotik ta balmilale, sok te tutꞌil ya skꞌan ya jnaꞌtik skomel juju-tulotik te jtiꞌbalultike, sok te tutꞌil ya yilbotik kaꞌteltik ta patil te Diose, te Felixe la yakꞌ yajtal yoꞌtan yuꞌun. Jaꞌ yuꞌun la yalbe: —Lek ay, baanix. Ya jtikonat xan ta ikꞌel te kꞌalal ay tiempo kuꞌune —xchi.

1 Tesalonicenses 2:10

Jaꞌex testigoex yuꞌun, y jaꞌ testigo euk te Diose, te tutꞌil maꞌyuk mulil ta koꞌtantik y toj a anotik, sok maꞌyuk ba jta jmultik ta atojolik.

1 Timoteo 3:2

Jich yuꞌun, te machꞌa ya yichꞌ yaꞌtel ta ansianoile, jaꞌ ya skꞌan te makꞌ xmulawixe. Ya skꞌan te jtul nax ants ay soke, sok te sil tiempo kuidado ay sok te yoꞌtane, sok te ma snaꞌ xkꞌajkꞌube, sok te lek ay te xkuxlejale. Ya skꞌan te sil tiempo ya sꞌotseswan ta snae, sok te ay spꞌijil yoꞌtan ya snojpeswane.

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

1 Timoteo 6:11

Pero te jaꞌate, te swinikat te Diose, xiꞌan me yuꞌun ta spisil to. Tojuk me xbaat sok te akuxlejale ta snaꞌel te Diose. Ayuk xchꞌuunel awoꞌtan, sok xkꞌuxul awoꞌtan, sok jun awoꞌtan, sok chꞌin me xꞌawakꞌ aba.

2 Timoteo 2:22

Xiꞌan me yuꞌun te tutik ma lekuk ya skꞌupin spasik te kermetike. Toj me ya skꞌan xkuxuyinat, sok xchꞌuunel awoꞌtan, sok skꞌuxul awoꞌtan, y bujtsꞌanuk me kꞌinal ya awaꞌi. Joyina spisilik te machꞌatik sakubenix yoꞌtanik te ya yalbeyik wokol ta stojol te Kajwaltike.

2 Timoteo 3:3

Maꞌyuk skꞌuxul yoꞌtanik, ni slekil yoꞌtanik. Tojolik le-kꞌop, ma snaꞌ tutꞌil ya skom sbaik, lom jꞌilbajinwanejetik, y skontrainejik spisil te tut leke.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.