Tito 1:7 - Nuevo Testamento Tzeltal de Amatenango

⁷ Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Bible in Tzeltal Bachajón

⁷ Te anciano ya sc'an te mayuc bin ya sutot ta c'op yu'un, como ha scuentahinej te bin ay yu'un Dios; ma sc'an te ya stoy sba, te ya x'ilin ta ora, ya sc'an te ma xya'iy yacubel, ma ba ya shach c'op, ma ba ya sbic'sitay te bin ma stojiluc ta stahel taq'uin.

Bible in Tzeltal de Oxchuc y Tenejapa

⁷ Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

Tito 1:7 ပူးပေါင်းရင်းမြစ်များ

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

San Lucas 12:42

La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

Filipenses 1:1

Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

Tito 1:5

Te kꞌalal la jilesat ta Cretae, jich a jpas yuꞌun ya alajin xchapel te tut kechel jilel ta chapele, sok yuꞌun ay me machꞌatik ya awaꞌbe yichꞌ yaꞌtel ta ansianoil ta stojol Dios ta jujun jtejklume, jich tutꞌil te la kalbeyat jilele.

Tito 2:3

Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.

1 Pedro 5:2

Kanantayaik me te karneraetik yuꞌun te Diose te jaꞌ yakꞌojbeyexix ta akuentaike. Pasaik sok spꞌejel awoꞌtanik jich tutꞌil ya skꞌan te Diose, y ma me ta sujeluk ya apasik. Ma me xbajt ta awoꞌtanik takꞌin. Gano me xꞌaꞌtejex.

2 Pedro 2:10

Dios ya yaꞌbe kastigo ta spisil te machꞌatik sigue ya spasik te tut ya skꞌan yoꞌtanik te ma lekuke, y te ma skꞌanik te ya yajwalinik te Kajwaltike. Lom tulanik, y ay spuersaik, y ni makꞌ ya xiꞌik te ya stoyba-kꞌoptayik te machꞌatik ay tulan yaꞌtelike.