Tito 1:1 - Nuevo Testamento Tzeltal de Amatenango

¹ Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Bible in Tzeltal Bachajón

¹ Pablo, a'bat yu'un Dios soc jpuc-c'op yu'un te Jesucristo yu'un ya sta sch'uhunel yo'tanic a te mach'atic tsahbilic yu'un Dios soc yu'un ya sna'ic te smelelil c'op te hich toj ya sc'an ch'uhunel te Diose,

Bible in Tzeltal de Oxchuc y Tenejapa

¹ Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

Tito 1:1 ပူးပေါင်းရင်းမြစ်များ

San Lucas 18:7

Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

Hechos 13:48

Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Filipenses 1:1

Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

1 Timoteo 2:4

Yuꞌun stukel ya skꞌan te spisil ya xkole y te ya xkꞌot ta yoꞌtanik te tut batsꞌi jiche.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

1 Timoteo 6:3

Teme ay machꞌa yan tut ya snojpeswane y teme ma pajaluk sok te lekil nojpesel yuꞌun te Kajwaltik Jesucristoe, sok teme ma jaꞌuk te tutꞌil jchꞌuunejtike,

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

2 Timoteo 2:23

Ma me awakꞌ ta jkuenta te kꞌopetik te maꞌyuk sluwaril sok te jowil naxe. Anaꞌojix te jaꞌ nax ya slikes kꞌope aye.

2 Timoteo 2:25

Sok ya skꞌan te chꞌunuluk yoꞌtan ya stojutes te machꞌatik ya xkontrainwanike. Ya smaliy teme Dios ya sujtesbe yoꞌtanik y teme ya snaꞌik te tut a te batsꞌi jiche.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

2 Pedro 1:3

Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

2 Pedro 3:11

Te tutꞌil la awaꞌiyikix te spisil jich ya yichꞌ lajinele, ya skꞌan te mas to xan lek ya xkuxuyinex sok te ya achꞌuunik te Diose.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.