Santiago 4:2 - Nuevo Testamento Tzeltal de Amatenango

² Te jaꞌexe, teme ay tut ya akꞌanik y teme maꞌyuk awuꞌunike, ya xmilawanex. Sok ay tut ya akꞌupinike, y ta skaj ma xꞌataik, ya xlijk awaꞌbe abaik pleto yuꞌun. Ma xꞌataik te tut ya akꞌanike, porke makꞌ ya akꞌanik ta stojol te Diose.

Bible in Tzeltal Bachajón

² Ay bin ya xbic'taj awo'tanic yu'un, pero ma ba yac atahic; ya xmilawanex soc ay sbic'tal awo'tanic, pero mayuc bin yac atahic a; yac atsal abahic soc ya xtsalawanex, pero ma ba yac atahic a te bin ya sc'an awo'tanic, como ma ba yac ac'ambeyic te Diose.

Bible in Tzeltal de Oxchuc y Tenejapa

² Ya xbic'taj awo'tanic, pero teme ma'yuc bila ya ataic, ya awaiyic milaw yu'un. Soc ya xtil jajch'el slab awo'tanic yu'un, ja'uc me to, teme ma x'ataic te bila ya ac'anique, jich ya atsac abaic soc ya acontroin abaic yu'un. Ma x'ataic te bila ya ac'anique, te melel ma x'ac'anbeyic te Diose.

Santiago 4:2 ပူးပေါင်းရင်းမြစ်များ

San Juan 16:24

Te ora to te jaꞌexe ma to ayuk tuti kꞌanojik ta joꞌon jkuenta. Kꞌanaik te tut ya akꞌanike, ya me yaꞌbelex. Jich me ya xjunub lek awoꞌtanik yuꞌun.

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

Santiago 5:6

Te jaꞌexe la awakꞌikix ta chꞌayel y ta milel te machꞌatik maꞌyuk smule, yuꞌun te stukelike maꞌ skoltay sbaik ta kꞌop.

1 Juan 3:15

Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.