Santiago 1:3 - Nuevo Testamento Tzeltal de Amatenango

³ Yuꞌun anaꞌojikix te kꞌalal ya spasot ta prewa te xchꞌuunel awoꞌtanike, mas me ya sta spuersa awoꞌtanik a te jun awoꞌtan ya xkujch awuꞌunike.

Bible in Tzeltal Bachajón

³ como ana'ojic te c'alal ya yich' tsajel te sch'uhunel awo'tanic ya yac' te ya xcuhch awu'unic.

Bible in Tzeltal de Oxchuc y Tenejapa

³ Melel ana'ojic stojol te ya me yich' xan yip te xch'uunjel awo'tanique teme ya sts'ijc' awu'unic te awocolique.

Santiago 1:3 ပူးပေါင်းရင်းမြစ်များ

San Lucas 21:19

Junuk me awoꞌtanik; yuꞌun jich me ya xkolex.

Romanos 15:4

Spisil te nail albil ta Sjun te Diose la yichꞌ tsꞌibayel yuꞌun jpꞌijuteseltik. Yuꞌun jich me ay spuersa koꞌtantik y sok ya sjunutesbotik koꞌtantik te jich ya jtajtik a te ay tut ya jmalitike.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 8:25

Pero teme ya jmalitik te ma to jaꞌuk te chikan ya kiltike, ya to me skꞌan te junuk me koꞌtanik ta smaliyel.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

2 Tesalonicenses 1:4

Jaꞌ yuꞌun te joꞌotike ben sniꞌ xkaꞌitik te ya kaltik akꞌoplalik ta stojol te juju-tijkꞌ hermanoetik yuꞌun Diose, te kujchem awuꞌunik spisil te tenele sok te ilbajinele ta skuenta te xchꞌuunel awoꞌtanike.

2 Tesalonicenses 3:5

A me yaꞌbeyex anaꞌik te Kajwaltik te tutꞌil ay skꞌuxul yoꞌtan te Diose, sok te tutꞌil kujch yuꞌun swokol te Cristoe.

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

2 Pedro 1:6

sok te yakuk anaꞌ tutꞌ ya akom abaike, sok te ya xkujch awuꞌunik, sok te junix awoꞌtanik ta stojol Dios,