San Mateo 9:8 - Nuevo Testamento Tzeltal de Amatenango

⁸ Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

Bible in Tzeltal Bachajón

⁸ C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

Bible in Tzeltal de Oxchuc y Tenejapa

⁸ C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

San Mateo 9:8 ပူးပေါင်းရင်းမြစ်များ

San Mateo 12:23

Spisil te genteetike cham a yaꞌiyik. Jich a lijk yalik: —¿Me jaꞌ wan te stsꞌumbal jDavid te ya jmalitike? —xchiik.

San Mateo 15:31

Te genteetike bayal a aꞌabiyan yoꞌtanik yuꞌun la yilik te ya xkꞌopojix te umaꞌetike y lekubenix te machꞌatik mochꞌol skꞌabike, ya xbeenix te koxoetike, y te choketike spas ya yilikix kꞌinal. Lijk yalbeyik kola yal te Dios yuꞌunik te jꞌisraeletike.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Mateo 9:7

Te machꞌa kꞌolbil xchial yok-skꞌabe jajch. Bajt ta sna.

San Marcos 2:12

Jich a jajch te machꞌa ay ta chamele. La xach bael te swayibe. Lokꞌ bael te ba tsobolike. Kꞌelajtik jilel sitik ta spisilik. Bayal aꞌabiyan yoꞌtanik yuꞌun, sok la yalbeyik kola yal Dios yuꞌun. La yalike: —Maꞌyuk ba kilojtik tutꞌil to —xchiik.

San Marcos 7:37

Cham a yaꞌiyik te tut a kꞌot ta pasel. Jich la yalik: —Spisil tsaꞌam te tut ya spase. Asta te machꞌa ma xyaꞌi kꞌope, ya yaꞌi kꞌop yuꞌun. Sok te machꞌa ma xlokꞌ skꞌope, ya xkꞌopoj yuꞌun —xchiik.

San Lucas 13:13

Jich a skajambe skꞌab ta sjol, y ora tojob spat te antse. Lijk yalbe kola yal Dios yuꞌun.

San Lucas 17:15

Ay jtul te ta spisilike la yil te lekix te stiꞌbalule, jicha sujt tal ta stojol te Jesuse. Tulan yipal tal ta yalbeyel kola yal te Diose.

San Lucas 17:18

¿Me jaꞌ nax wan te jyanlum winik to te sujt tal ta yalbeyel kola yal te Diose? —xchi te Jesuse.

San Lucas 18:43

Mismo tiempo a te choke jam te site y la stsꞌakli bael te Jesuse. Yipal kꞌael ta yalel kola yal Dios yuꞌun te lekubix te site. Spisil te genteetik te la yile la yalbeyik kola yal Dios yuꞌun euk.

San Lucas 2:20

Te jkanan-karneraetike kꞌalal sujtik baele la skꞌayojimbeyik slekilal te Diose yuꞌun te tuti yaꞌibeyik sluwarile sok te tuti yilik ta sitike. Yuꞌun spisil a kꞌot ta pasel te tuti altalanbot yaꞌiyike.

San Lucas 23:47

Te kꞌalal la yil te tuti kꞌot ta pasel, te statal soltaroe ben tsaꞌam skꞌoplal a yalbe te Diose. Jich a yal: —Batsꞌi jich a nix a te winik to maꞌyuk smul —xchi.

San Lucas 7:16

Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

Hechos 4:21

Te jꞌuꞌeletike tulan a yalbeyik, y la skolesik bael. Yuꞌun ma stabeyik te tut ya yaꞌbeyik kastigo yuꞌune. Porke spisil te gentee ya yalbeyik kola yal Dios yuꞌun te tut kꞌoem ta pasele.

2 Corintios 9:13

y ya me yalbeyik slekilal a te Diose yuꞌun te koltayel te la awaꞌbeyik ya yakꞌ ta ilel te jaꞌex achꞌuunejik te lek achꞌ kꞌop yuꞌun te Cristoe. Jich me ya yalbeyik slekilal a te Diose yuꞌun te bayal tut la awakꞌik te jaꞌexe te ya xtuun yuꞌunik sok ta spisil te hermanoetike.

Gálatas 1:24

Y la yalbeyik kola yal Dios yuꞌun ta jtojol.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.