San Mateo 9:5 - Nuevo Testamento Tzeltal de Amatenango

⁵ ¿Tut a te lek ta alel ya awaꞌiyik ta stojol te jchamele? ¿Me jaꞌ wan wokol te “Chꞌaybilix amul” te ya kute? ¿O jaꞌ wokol ya awaꞌiyik te “Jajchan, beenan” teme ya kute?

Bible in Tzeltal Bachajón

⁵ ¿Banti ma ba wocol ta halel yac awa'iyic: Ha bal te ch'aybilix amul, o: Hahchan, behenan, teme xchihe?

Bible in Tzeltal de Oxchuc y Tenejapa

⁵ ¿Bila wocol ta alel? ¿Ja' bal wocol te “Pasbilatix perdón yu'un amul”, te la cute? ¿O ja' bal wocol ya awaiy te “Jajch'an, beenan”, teme ya cute?

San Mateo 9:5 ပူးပေါင်းရင်းမြစ်များ

San Mateo 9:2

Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

San Mateo 9:6

Jaꞌ tsꞌin to ya me kaꞌbeyex awilik te tutꞌil ay tulan yaꞌtel yichꞌoj ta xchꞌayel mulil ta balmilal te Nichꞌanile —xchi te Jesuse. Sok jich a yalbe te machꞌa kꞌolbil xchial yok-skꞌabe: —Jajchan choya bael te akꞌabal-teꞌe, baan ta ana —xyut.

San Marcos 2:5

Te Jesus la yil te ay xchꞌuunel yoꞌtanike te ya xkoltaywane, jich la yalbe te jchamele: —Jnichꞌan, te amule pasbilix perdon —xchi.

San Lucas 5:20

Kꞌalal la yil te Jesuse te tutꞌil xchꞌuunej yoꞌtanik te ya xlekuteswane, jich a yalbe te jchamele: —Winik, pasbil perdon te amule —xchi.

San Lucas 7:48

Y te Jesuse la yalbe te antse: —Perdonadoix te amule —xchi.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

Hechos 9:34

Te jPedroe la yalbe: —Eneas, te Jesucristoe ya slekutesat. Jajchan y chapa bael te awayibe —xyut. Te jꞌEnease ora jajch,