San Mateo 8:6 - Nuevo Testamento Tzeltal de Amatenango

⁶ Jich a yalbe: —Kajwal, ay jtul kaj-aꞌtel te chawal ta swayib ta jna yuꞌun kꞌolbil xchial yok-skꞌab y ben oꞌol sba yuꞌun te skꞌuxule —xchi.

Bible in Tzeltal Bachajón

⁶ hich la yal: Cajwal, ay jtuhl ca'bat puch'em ta jna, chamen schihal yoc sc'ab, bayel swocol yu'un, xchi hulel.

Bible in Tzeltal de Oxchuc y Tenejapa

⁶ Jich caj yal: —Cajwal, ay jtul abat cu'un te chawal ta jna, yu'un chamen xchial te yoc-sc'abe. C'axem to xan ay swocol yu'un te xc'uxule —xi'.

San Mateo 8:6 ပူးပေါင်းရင်းမြစ်များ

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Mateo 8:7

La yal te Jesuse: —Ya xba jlekutesbe te xchamel abi —xchi.

San Mateo 9:2

Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

Hechos 10:7

Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe.

Hechos 8:7

Ben bayal machꞌatik ay pukuj ta yoꞌtanik te lekuteslanote. Y te pukujetike xꞌawlajan ya xlaj lokꞌ bael ta stojolik. Sok ay bayal machꞌatik kꞌolbil xchial yok-skꞌab y sok koxoetik a laj lekub yuꞌun.

Hechos 9:33

Teꞌ kꞌo sta jtul winik a te jꞌEneas sbiile te ayix waxkeꞌ jaꞌbil te ay ta swayib te kꞌolbil xchial yok-skꞌabe.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

Colosenses 4:1

Te jaꞌex ajwaliletik, tojukex me y lekukex me sok te amosoike. Naꞌaik me euk te jaꞌexe te ay jtul Awajwalik te ay ta chꞌulchane.

1 Timoteo 6:2

Teme ay te abatetik te xchꞌuunej Dios te yajwale, ma me xyijkitayik ta yakꞌel ta jkuenta te yajwale yuꞌun te yermano sba ta xchꞌuunel te Diose. Jaꞌ ya skꞌan te kꞌax jich ya yakꞌ sbaik ta mantaltesele. Porke te machꞌa ya xꞌabatinotik yuꞌune, jaꞌ xchꞌuunej Dios sok yermano sbaik te kꞌux ya yaꞌiy sbaike. Jich me xꞌawakꞌ ta nopel, sok jich me xꞌawalbey yaꞌiyik.

Filemón 1:16

Ma me jichukix tutꞌil amoso, yuꞌun kꞌax lek ayix tutꞌil jtul mosoe: jichix tutꞌil awijtsꞌin te ben kꞌux ta awoꞌtane. Te joꞌone ben jkꞌanoj, pero te jaꞌate ya skꞌan te mas ben lek ya akꞌane, ma me jaꞌuk nax jich tutꞌil jtul gente, sino ke jich tutꞌil awijtsꞌin ta skuenta te Kajwaltike.