San Mateo 8:5 - Nuevo Testamento Tzeltal de Amatenango

⁵ Kꞌalal yipal ochel bael ta jtejklum Capernaum a te Jesuse, tijilaj tal ta stojol jtul statal-soltaro yuꞌun Roma. Tal skꞌambey pawor te Jesuse.

Bible in Tzeltal Bachajón

⁵ C'alal och ta Capernaum te Jesús, tal ta c'oponel yu'un jtuhl capitán-soldado, hul ta sc'anel coltayel,

Bible in Tzeltal de Oxchuc y Tenejapa

⁵ C'alal yac ta ochel bael ta lum Capernaúm te Jesuse, tal ta stojol jtul centurión. Tal yalbey wocol te Jesuse.

San Mateo 8:5 ပူးပေါင်းရင်းမြစ်များ

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Mateo 4:13

Pero ma jalaj te ba jtejklum Nazarete. Jicha ba kuxuyinuk ta jtejklum Capernaum te ay ta tiꞌmare. Namey jaꞌ slum te stsꞌumbal Zabulon sok te stsꞌumbal Neftalie.

San Mateo 9:1

Ta patil mo xan bael ta barko te Jesuse. Chaꞌkꞌax bael ta mar, chaꞌkꞌot xan te ba slumale.

San Marcos 15:39

Te statal-soltaro te tekꞌel a ba jokꞌol te Jesuse, te kꞌalal la yil te tutꞌil chamixe, jich a yal: —Batsꞌi jich a nix a te jaꞌ Xnichꞌan Dios te winik to —xchi.

San Marcos 2:1

Cheb oxeb kꞌaal a ta patil te Jesuse kꞌot xan ta jtejklum Capernaum. Kꞌalal aiyot te ayix ta nae,

Hechos 22:25

Pero te kꞌalal chukulix yuꞌunik a te ya yaꞌbeyik aresiale, te jPabloe la sjojkꞌobe te statal jtijkꞌ soltaro te teꞌey ae: —¿Me jaꞌ wan awichꞌoj awaꞌtelik yuꞌun te ya awaꞌbeyik aresial jtul jromano te ma to chapojikuk teme ay smule? —xchi te jPabloe.

Hechos 23:17

Te jPabloe la yikꞌ tal te jtul statal jtijk soltaroe y la yalbe: —Ikꞌa bael te kerem to ta stojol te statal soltaro te ay tulan yaꞌtele, yuꞌun ay tut ya yal —xchi.

Hechos 23:23

Te statal soltaro te ay tulan yaꞌtele la yikꞌ tal chaꞌtul te stataletik yuꞌun te juju-tijkꞌ soltaroe, y la yakꞌ mantal te ya xba xchap dosiento ta jtul soltaroetik te ya xbeen ta yokike, y setenta ta jtul te moemik ta kawu, y dosiento ta jtul te yichꞌoj slansaike, yuꞌun ya xlaj bajt ta jtejklum Cesarea ta las noebe ajkꞌubal.

Hechos 27:13

Te tutꞌil lokꞌ tal chꞌin jabjab ikꞌ ta stojil sure, la skuyik te ya xjuꞌ kuꞌuntik te ya xkꞌaxotik bael kꞌalal ta Fenicee, y lokꞌotik bael. Stamojik bael te stiꞌil-stiꞌil slum Cretae.

Hechos 27:31

Pero te jPabloe la yalbey te statal soltaroe sok te soltaroetike: —Teme ma liyuk ya xjil ta barko te japuyej-barkoetike, ma spas ya xkolex euk te jaꞌexe —xchi te jPabloe.

Hechos 27:43

Pero te statal yuꞌun te soltaroetike kꞌan skoltay te jPabloe, jich maꞌ yakꞌ te jich ya spasike. Sinoke la yal mantal te machꞌa ya snaꞌba jaꞌe aꞌ xchꞌoj sba ochel nailuk ta jaꞌ yuꞌun nail ya xlokꞌ kꞌoel a ba luware.

Hechos 9:38

Te jtejklum Jopee nopol ay sok te jtejklum Lidae te ba ay te jPedroe, y te hermanoetike la yaꞌiyik te teꞌey a te jPedroe. La stikonik bael cheb winketik, ba yalbeyik tal: —Awokoluk, laꞌ me ta ora liꞌ ba aytike —xchiik.