San Mateo 7:7 - Nuevo Testamento Tzeltal de Amatenango

⁷ “Kꞌanbeya te Diose jich me ya yaꞌbeyat. Lea te tut ya akꞌane, jich me ya ata ta leel. Kꞌopojan ta tiꞌpuerta, jich me ya sjeꞌbeyat te Diose.

Bible in Tzeltal Bachajón

⁷ C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

Bible in Tzeltal de Oxchuc y Tenejapa

⁷ “C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

San Mateo 7:7 ပူးပေါင်းရင်းမြစ်များ

San Mateo 18:19

“Sok ya kalbeyex: teme ay chaꞌtulex tem ya achap akꞌopik liꞌ ba balmilale tem ay tut ya akꞌanbeyik te Diose, te jTat te ay ta chꞌulchane ya me yaꞌbeyex.

San Mateo 21:22

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

San Mateo 6:33

Jaꞌ me xꞌawajwalinik nailuk te Diose sok oꞌtantayaik spasel te tut ya skꞌan yoꞌtan stukele. Ya me yaꞌbelex spisil te tut ya xtuun awuꞌunike.

San Mateo 7:11

Jich te jaꞌexe te ma tsaꞌamuk awoꞌtanike, pero ya anaꞌik yakꞌel te tut lek ta stojol te awuntikilike. Jaꞌuk to xan a te jTatik te ay ta chꞌulchane ya me yaꞌbeyex te tut lek ya akꞌanike.

San Mateo 7:8

Porke te machꞌa ay tut ya skꞌanbe te Diose, jich ya xꞌaꞌbot yuꞌun, sok te machꞌa ya sle te tut ya skꞌane, jich me ya sta ta leel, sok te machꞌa ya xkꞌopoj ta tiꞌpuertae, jich me ya xjeꞌbot.

San Marcos 11:24

Ja sluwaril te ya kalbeyex te ya skꞌan ya xchꞌuun awoꞌtanik te ya yaꞌbeyat te Diose spisil te tut ya akꞌan ta skuentae. Jich me ya awichꞌik te tut ya akꞌanbeye.

San Lucas 13:25

Patil teme la stsꞌus stiꞌ spuerta te yajwal nae, jaꞌex te ayex ta jwerae jich ya xlijk awalik: “Kajwal, jeꞌbotik te puertae”, ya me awutik. Pero ya yalbeyex te yajwal nae: “Ma jnaꞌ ba talemex te jaꞌexe”, ya me yutex.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 3:11

Maꞌyuk machꞌa ya yaꞌibe sluwar; maꞌyuk machꞌa ya sle te Diose,

Hebreos 11:6

Pero ma lekuk ya xꞌilot yuꞌun Dios te machꞌa maꞌyuk xchꞌuunel yoꞌtane. Porke te tutꞌil ya xtijilajotik ta stojol te Diose, ya skꞌan te ya jchꞌuuntik te ay te Diose, sok te ya yaꞌbe smajtan te machꞌatik ya sleik te Diose.

Santiago 5:15

Y te kꞌalal ya skꞌoponik Dios sok te xchꞌuunel yoꞌtanike, te jchamele ya me xlekub y ya me xjajchesot yuꞌun te Kajwaltike. Y teme ay mulawene, ya me xꞌaꞌbot perdon.

1 Juan 3:22

Sok jich me ya yaꞌbotik spisil te tut ya jkꞌanbetike, porke jchꞌuunejbetik te mantaliletik yuꞌune y ya jpastik te tut lek ya yile.