San Mateo 7:3 - Nuevo Testamento Tzeltal de Amatenango

³ ¿Tuꞌun jaꞌ ya awil te chꞌin kꞌapal te ay ta sit te awermanoe? Yan te mukꞌul trozo te ay ta asite makꞌ awil stukel.

Bible in Tzeltal Bachajón

³ ¿Bin yu'un yac awil te c'a'pal ochem ta sit te awermano, te ma ba yac awil te ts'amte' ay ta asit?

Bible in Tzeltal de Oxchuc y Tenejapa

³ ¿Bistuc ja' ya awil te ch'in ac te ochem ta sit te awermanoe? Yan te muc'ul ts'amte' te c'atal ta asite, ma ba ya awil stuquel.

San Mateo 7:3 ပူးပေါင်းရင်းမြစ်များ

San Mateo 7:4

¿Tutꞌil ya akꞌan ya awalbe te awermanoe: “Aꞌbon jlokꞌesbeyat te chꞌin kꞌapal te ay ta asite”, teme ya awute, y jaꞌat ay to mukꞌul trozo ta asit atukel?

San Mateo 7:5

Jaꞌex te chaꞌlam awoꞌtanike, lokꞌesa nailuk te mukꞌul trozo te ay ta asite. Jich ya xjuꞌ awuꞌun yilel slokꞌesel te chꞌin kꞌapal te ay ta sit te awermanoe.

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

Romanos 2:1

Jaꞌ yuꞌun ma spas ya amak aba ta kꞌop, jaꞌat te ya awichꞌ jkuenta te yane, maꞌ awocheluk machꞌauk a. Teme ya awichꞌ jkuenta te yane, jaꞌat nax mismo ya awakꞌ aba ta chꞌayel. Porke tut yipalat ta yichꞌel ta jkuentae, jich mismo yipalat ta spasel euk.

Gálatas 6:1

Kermanotak, teme ya awilik te ay machꞌa yalem ta mulile, te jaꞌex te ayex ta skuenta Espiritue, ya skꞌan ya akoltayik ta sujtesel xan yoꞌtan a. Pero pasaik ta slekil awoꞌtanik. Sok naꞌa me tutꞌil ayex euk, ila me abaik, ma me jichuk ya xkꞌoex te ya ataik sujel ta mulil ekꞌae.