San Mateo 7:16 - Nuevo Testamento Tzeltal de Amatenango

¹⁶ Jich me ya anaꞌbeyik sba a yuꞌun te yaꞌtele, jich tutꞌil ya anaꞌbeyik sba te teꞌe yuꞌun te site. Jich te chꞌixetike ma xjuꞌ ya sitintay te tsꞌusube, sok ma jtatik ta kꞌokel ikux ta jpejt chꞌixteꞌe.

Bible in Tzeltal Bachajón

¹⁶ Ya me ana'beyic sba ta scuenta te site. ¿Ya bal yich' tulel ts'usub ta ch'ixetic, o higo ta ch'ix-te'?

Bible in Tzeltal de Oxchuc y Tenejapa

¹⁶ Ya me ana'beyic sba ta swenta yat'elic, jich bit'il ya jna'beytic sba ta swenta sit te te'e. Jich bit'il ma sitin ts'usub ta bay te ch'ixe, soc ma sitin higo ta bay te chicch'ixe.

San Mateo 7:16 ပူးပေါင်းရင်းမြစ်များ

San Mateo 12:33

“Chapaik lek te teꞌe, jich me lek te sit ya yakꞌ. Yan teme ma chapbiluk leke, ma tsaꞌamuk sit ya yakꞌ. Jich te teꞌe ya anaꞌbeytik sba ta skuenta te site.

San Mateo 7:20

Jich me ya anaꞌbeyik sba te yaꞌtel te ya spasik te machꞌatik lotil jꞌalwanejetike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Santiago 2:18

Ay wan machꞌa jich ya yal: “Ay machꞌa ay xchꞌuunel yoꞌtan sok ay yan te ya yaꞌtelin spasel te tut leke”, xchi. ¿Pero tut ya awaꞌbon kil te xchꞌuunel awoꞌtan, te maꞌyuk tut lek ya apase? Te joꞌone ya kakꞌ awil te xchꞌuunel koꞌtane ta skuenta te tut juꞌem kuꞌun spasele.

Santiago 3:12

Kermanotak, jich tutꞌil jwol ikux ma xjuꞌ te ya yakꞌ aseitunae, ni jwoluk uba te ya xjuꞌ ya yakꞌ ikuxe; jich euk ma xjuꞌ ya yakꞌ lekil jaꞌ te jun lokꞌi-jaꞌ te ya yakꞌ chꞌaal jaꞌe.