San Mateo 7:14 - Nuevo Testamento Tzeltal de Amatenango

¹⁴ Pero te puerta yuꞌun kuxuyinele yub nax te stiꞌile y wokol te sbelele. Ajtabil nax te machꞌatik ya xꞌochik teꞌae.

Bible in Tzeltal Bachajón

¹⁴ Pero tut te puerta soc tut te be ya xbaht ta cuxlejal, mayuc tsobol mach'atic ya x'ochic tey a.

Bible in Tzeltal de Oxchuc y Tenejapa

¹⁴ Yan te sbelal cuxinele, tsail nax te sti'il yochibale soc biq'uit nax sjamlejal bael te sbelale. Ajtaybil nax te mach'atic ya staic c'oele.

San Mateo 7:14 ပူးပေါင်းရင်းမြစ်များ

San Mateo 20:16

“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

San Mateo 22:14

“Porke bayal te machꞌatik ya xꞌikꞌtalanot tale, pero ma bayaluk te machꞌa tꞌujtalanbile —xchi te Jesuse.

San Mateo 7:13

“Ochanik te ba puerta te yub naxe. Yan te puerta te sbeelel te ya xbajt ta chꞌayele jamal stukel y mukꞌ te sbelele. Bayal genteetik ya xꞌochik bael teꞌa.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Marcos 8:34

Te tsꞌin abi te Jesuse la yikꞌ tal te gentee y sok euk te jnopojeletike. Jich a yalbe: —Teme ay jtuluk machꞌa ya skꞌan xꞌoch ta jnopojel kuꞌune, a me skoltay sba ta yoꞌtan, a me skuch skrus, y a me stsakliyon.

San Lucas 12:32

“Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

Romanos 9:32

¿Tut yuꞌun? Porke maꞌ yakꞌ ta yoꞌtanik te kolemix ya xjil yuꞌun smulik ta skuenta nax xchꞌuunel yoꞌtanik, yuꞌun skuyojik te jaꞌ toj ya xꞌilot yuꞌun te tut ya spasike. Jaꞌ yuꞌun la xkꞌojchin yokik a te ton te ya syaleswane.