San Mateo 7:11 - Nuevo Testamento Tzeltal de Amatenango

¹¹ Jich te jaꞌexe te ma tsaꞌamuk awoꞌtanike, pero ya anaꞌik yakꞌel te tut lek ta stojol te awuntikilike. Jaꞌuk to xan a te jTatik te ay ta chꞌulchane ya me yaꞌbeyex te tut lek ya akꞌanike.

Bible in Tzeltal Bachajón

¹¹ Teme ha'ex te chopolex yac ana'ic ya'beyel lequil mahtanil te awal-anich'anic, ¿ma bal c'axuc to xan hich a te Atatic ay ta ch'ulchan ya yac'ticlambe bintic lec te mach'atic ay bin ya xc'ambot yu'unique?

Bible in Tzeltal de Oxchuc y Tenejapa

¹¹ Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

San Mateo 7:11 ပူးပေါင်းရင်းမြစ်များ

San Mateo 23:9

Ma me ayuk jtuluk ta balmilal te ya akuyik ta atatike, porke jtul nax te Atatike, jaꞌ te Machꞌa ay ta chꞌulchane.

San Mateo 7:10

¿O chan ya awaꞌbe sweꞌ teme chay ya skꞌanbeyate?

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

Romanos 3:19

Jnaꞌojtik spisil te tut ya yal te sjunal mandaliletike jaꞌ ya yalbe te machꞌatik ayix ta skuentae, yuꞌun ma xjuꞌ ya smak sbaik ta kꞌop a spisil te genteetik te ayik ta balmilal te ya yichꞌ kastigo yuꞌun te Diose.

Romanos 3:9

¿Tut kꞌoemotik a? Teme juriyootike, ¿meꞌn joꞌotik mas lekotik ke te yane? ¡Maꞌuk! Kalojix ta jamal tutꞌil te juriyoetike sok te machꞌa ma juriyouke pajal meꞌtalanbil yuꞌun te spoder te mulile.

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

Gálatas 3:22

Pero jaꞌ chikan te tut ya yal te Sjun Diose te spisil chukajtik yuꞌun te mulile, yuꞌun te machꞌatik ya xchꞌuun te Jesucristoe, jich ya xjuꞌ ya yichꞌik te tut yaloj te Diose.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

1 Juan 4:10

Jich ya xchiknaj te kꞌuxul-oꞌtanile: Jaꞌ te ma joꞌukotik kꞌux a kaꞌitik te Diose, sino ke kꞌux a yaꞌiyotik stukel. Sok la stikon tal te Xnichꞌan yuꞌun la yakꞌ ta milbil majtanil, yuꞌun jich perdonado ya xjil te jmultike.