San Mateo 6:2 - Nuevo Testamento Tzeltal de Amatenango

² “Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

Bible in Tzeltal Bachajón

² C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

Bible in Tzeltal de Oxchuc y Tenejapa

² Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:2 ပူးပေါင်းရင်းမြစ်များ

San Mateo 15:7

¡Cheb awoꞌtanik te jaꞌexe! Jich a yalbeyex akꞌoplalik te antibo jꞌalwaneje yuꞌun Dios te jꞌIsaiase:

San Mateo 16:3

Sok te kꞌalal sakubix a te kꞌinale ya awalik: “Ora to ya yakꞌ jaꞌal yuꞌun tsaj te chꞌulchane sok ay tokal”, xchaex yuꞌun. Te jaꞌexe cheb awoꞌtanik. Ya anaꞌik te tut yilel te tiempo yuꞌun te chꞌulchane, pero ¿tuꞌun te ma xꞌanaꞌik yilel te señaetik te yipal ta kꞌoel ta pasel te ora to?

San Mateo 22:18

Te Jesuse la snaꞌ te tutꞌil ma tsaꞌamuk te yoꞌtanike. Jich a yaltalanbe: —Ma lekuk te awoꞌtanike. ¿Tut yuꞌun te ya awilbikon koꞌtane?

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Mateo 23:6

Sok ya me smakik ta ora te primero naktajibaletik yuꞌun te ba ya xweꞌike, sok te naktajibaletik ta sinagogaetik yuꞌun ya skꞌanik akꞌel ta jkuenta teꞌa.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 5:18

Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:3

Yan te jaꞌexe, teme ay tut ya akꞌebenbeyik meꞌbaetike, ma me machꞌa xꞌawalbe te kꞌalal ya awakꞌike.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Mateo 7:5

Jaꞌex te chaꞌlam awoꞌtanike, lokꞌesa nailuk te mukꞌul trozo te ay ta asite. Jich ya xjuꞌ awuꞌun yilel slokꞌesel te chꞌin kꞌapal te ay ta sit te awermanoe.

San Marcos 12:39

Sok ya skꞌupin yoꞌtanik yuꞌun te ya snajkꞌan sbaik ta primera naktajibaletik ta chꞌulnaetik. Sok ya smakik ta ora te primero naktajibaletik te ba ya stsob sbaik ta weꞌel.

San Marcos 7:6

Te Jesus la yalbe: —Jich a nix a te ma tsaꞌamuk awoꞌtanik jaꞌexe, jich te tutꞌil la yalbeyex akꞌoplalik ta namey te jꞌalwanej Isaiase, te la stsꞌibaye: “Te jtejklum to ya nax yalik te ya xchꞌuunonik ta skꞌopike, yan te yoꞌtanike jakal ay ta jkuenta.

San Lucas 11:41

Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

San Lucas 11:43

Te jaꞌex fariseoexe, oꞌol me abaik, porke jaꞌ ben anujtsojik te primero naktajibale yuꞌun te sinagogaetike, yuꞌun jaꞌ ya akꞌanik te ya yakꞌelex ta jkuenta ae. Sok ben sniꞌ xꞌawaꞌiyik te ya yujtsꞌibelex akꞌabik ta sitil komon te ba parkee.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 12:56

Te jaꞌexe, te ma tsaꞌamuk awoꞌtanike, teme ya anaꞌik yilel tut ay te chꞌulchan y sok te balmilale, ¿tuꞌun tsꞌiin te ma xꞌanaꞌik tut yipal ta kꞌoel ta pasel te ora to?

San Lucas 13:15

Te Kajwaltike la yalbe: —Jaꞌex te ma tsaꞌamuk awoꞌtanike, ¿meꞌn ay wan jtuluk te jaꞌexe te makꞌ ya apolik ta skꞌaalel kuxo-oꞌtan te awakaxike sok te aburuike te ya xba awaꞌbeyik tal yuchꞌ jaꞌe?

San Lucas 20:46

—Ila me abaik yuꞌun te maestroetik yuꞌun te mantaliletike. Yuꞌun ya skꞌupinik te ya slapik ta beel te najtꞌil kꞌuꞌul-pakꞌale, y ya skꞌanik te ya xpatbot yoꞌtanik ta sitil komon ta parkee. Y ya sleik te primero naktajibal ba sinagogae yuꞌun ya skꞌanik akꞌel ta jkuenta. Sok ya smakik ta ora te primero naktajibal yuꞌun te ba ya stsꞌob sbaik ta weꞌele.

San Lucas 6:24

Yan te jaꞌex te jkꞌulejexe oꞌol me abaik yuꞌun ben butsꞌan kꞌinal ya awaꞌiyik ta atukelik nax.

San Lucas 6:42

Tutꞌil ya xjuꞌ awuꞌun te ya awalbe te awermanoe: “Hermano, aꞌbon jlokꞌes te chꞌin kꞌaꞌpal te ay ta asite, teme ya awute. ¿Meꞌn makꞌ anaꞌ te ay mukꞌul troso te kꞌatal ta asite? Te jaꞌexe ma tsaꞌamuk awoꞌtanik. Lokꞌesa nailuk te mukꞌul troso te kꞌatal ta asite. Jich ya xjuꞌ awuꞌun yilel lek te chꞌin kꞌaꞌpal ya alokꞌesbe ta sit te awermanoe.

San Juan 13:29

Yuꞌun te Judas jaꞌ skanantayej te yawil stakꞌinike, jaꞌ yuꞌun la skuyik te ay tut ya yakꞌ xan tal ta manel te Jesuse yuꞌun te kꞌine, o yuꞌun ay tut ya yaꞌbeyik xan chꞌinuk te meꞌbaꞌetike.

San Juan 5:41

“Te joꞌone ma jkꞌan akꞌel ta jkuenta yuꞌun te genteetike.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

Hechos 10:31

La yalbon: “jCornelio, Dios a yaꞌibeyatix te akꞌope, y la snaꞌix te tut la apas te la akꞌeben atakꞌin yuꞌun la akoltay a te meꞌbaetike.

Hechos 10:4

Te jCornelioe la sle ta kꞌeluyel te ángele y sok xiꞌel la sjojkꞌobe: —¿Tut a Kajwal? —xchi te jCornelio. Albot yuꞌun te ángele: —Dios a yaꞌibeyatix te akꞌope sok la yilix te ya akꞌebenbe atakꞌin yuꞌun ya akoltay a te meꞌbaetike.

Hechos 11:29

Jich te hermanoetik te ayik ta Antioquiae la snopik te ya stikonbeyik koltayel te hermanoetik te ayik ta slum Judea, chikan te tutꞌil ya xjuꞌ yuꞌunik yakꞌel ta juju-tule.

Hechos 24:17

“Cheb oxeb jaꞌbil xjoyeton ta yan luware, ta patil sujton tal ta jlumal, yuꞌun tal kakꞌ takꞌin y sok smajtan Dios ta templo.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Romanos 12:8

Te machꞌa yichꞌoj te majtanil yuꞌun te ya yaꞌbe spuersa yoꞌtan te yane, a me yaꞌbe xan spuersa yoꞌtan. Te machꞌa ay tut ya skꞌebene, junuk me yoꞌtan a yakꞌ. Te machꞌa ay ta skuenta tsobawe, junuk me yoꞌtan a tsobawanuk. Te machꞌa ya skoltay te meꞌbaetike, junuk me yoꞌtan awak spas.

1 Corintios 13:3

Y manchuk teme ya jpukbey meꞌbaetik spisil te tut ay kuꞌune, sok teme jun koꞌtan ya kakꞌ entregal ta chikꞌel te jtiꞌbalule, pero teme maꞌyuk xkꞌuxul koꞌtane, ni ma xtuunon me abi.

Gálatas 2:10

Jaꞌ nax a yalbotik bael te ya me jnaꞌtik tutꞌil ay te meꞌbaetike, te jaꞌ koꞌtaninej spasel sil tiempoe.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

1 Tesalonicenses 2:6

Sok ma jaꞌuk a jletik te ay machꞌa ya yakꞌotik ta jkuentae, ni te jaꞌexe ni te yanetike. Aunke me ya xjuꞌ te ya awakꞌotik ta jkuenta te tutꞌil ay kaꞌteltik ta apostolil yuꞌun te Cristoe.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

Filemón 1:7

Ben kontento ayon y ay spuersa koꞌtan yuꞌun te ay slekil awoꞌtane, porke jaꞌat ta akuenta, hermano, te mukꞌuben yoꞌtanik te hermanoetike.

Hebreos 13:16

Ma me achꞌay ta awoꞌtanik ta spasel te tut leke sok ta spukel ta yan te tut ay awuꞌunike. Porke jaꞌ to, jaꞌ chikꞌbil majtaniletik te lek ya yil te Diose.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.