San Mateo 5:9 - Nuevo Testamento Tzeltal de Amatenango

⁹ “Ben me tsaꞌam slekilik te machꞌatik ya skom te kꞌope, jich yal-xnichꞌan Dios sbiilik ya xkꞌot yuꞌun.

Bible in Tzeltal Bachajón

⁹ Bayel me yutsilic te mach'atic ya yac' lahmajuc q'uinal, como ha yal-snich'nab Dios ya xc'oht sbihilic.

Bible in Tzeltal de Oxchuc y Tenejapa

⁹ “Bin nax me yutsil te mach'atic ya yac' lamajuc te c'ope, te melel yal-snich'an Dios sbiil ya xc'otic yu'un.

San Mateo 5:9 ပူးပေါင်းရင်းမြစ်များ

San Mateo 5:45

Jich me yal-xnichꞌanex ya xkꞌoex te jTatik te ay ta chꞌulchane. Jich pajal ya yakꞌ lokꞌuk tal kꞌajkꞌal ta stojol machꞌatik lek yoꞌtanik sok machꞌatik ma lekuk yoꞌtanik. Sok pajal ya yakꞌ tal jaꞌal ta stojol te machꞌatik toj ta genteile y sok machꞌatik ma tojuke.

San Mateo 5:48

Jich te jaꞌexe ya skꞌan te jichuk ay slekil awoꞌtanik te tutꞌil ay slekil yoꞌtan stukel te jTatik te ay ta chꞌulchane.

San Lucas 20:36

sok makꞌ me xchamikix a. Yuꞌun jich me kꞌoemikix te tutꞌil chꞌul angeletike. Yal-xnichꞌan Dios kꞌoemikix te tutꞌil chaꞌkuxemikixe.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

Hechos 7:26

Ta xchebal kꞌaal te jMoisese la sta cheb israeletik te yipalik ta pletoe, y kꞌan skomtalan. Jich a yaltalanbe: “Te jaꞌexe awermano abaik. ¿Tuꞌun te talel bael ya amaj abaike?” xyut.

Romanos 12:18

Asta te ba kꞌalal ay ta akuentaike, pasaik te ba kꞌalal ya xjuꞌ awuꞌunike te jich me jun awoꞌtanik ta apisilik a.

Romanos 8:14

Spisil te machꞌatik uꞌuninbil yuꞌun te Espíritu yuꞌun te Diose, jaꞌ yal-xnichꞌan Dios abi.

Romanos 8:16

Y jaꞌ to jaꞌ mismo te Espíritu ya yalbotik ta koꞌtantik te joꞌotik te yal-xnichꞌanotikix te Diose.

Romanos 8:19

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

1 Corintios 6:6

Ma me jaꞌuk te talel bael ya xlijk kꞌop awuꞌunik te pajal achꞌuunejik Diose. Ya awakꞌik ta chapel, pero jaꞌ ya xba awaꞌbeyik xchap te machꞌa ma xchꞌuunejuk te Diose.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Filipenses 4:2

Swokoluk te xꞌEvodiae y jich euk te Sintikee, te junuk nax me ayik, jich tutꞌil hermanaetik ta skuenta te Kajwaltike.

Colosenses 3:13

Yauk me xkujch awuꞌunik ta juju-tul, y aꞌbeya abaik perdon teme ay tut ma lekuk la apasbe abaik. Jich tutꞌil te Kajwaltike la yaꞌbeyex perdon, aꞌbeya abaik perdon euk te jaꞌexe.

Hebreos 12:14

Oꞌtaninaik te jun bujtsꞌan kꞌinal ya awaꞌiyik ta apisilike sok te lekuk ay bael te akuxlejalike. Teme ma lekuk te yoꞌtane, maꞌyuk machꞌa ya yilbey sit te Kajwaltike.