San Mateo 5:3 - Nuevo Testamento Tzeltal de Amatenango

³ —Ben me tsaꞌam slekilik te machꞌatik meꞌbaꞌ ya yaꞌiy ta yoꞌtanike, porke jaꞌix te Mukꞌ Ajwalil yuꞌunik te Diose.

Bible in Tzeltal Bachajón

³ Bayel me yutsilic te mach'atic mayuc bin ay yu'un ya ya'iyic, como ha yu'unic te cuentahinel yu'un te ch'ulchane.

Bible in Tzeltal de Oxchuc y Tenejapa

³ —Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

San Mateo 5:3 ပူးပေါင်းရင်းမြစ်များ

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 11:6

Ben tsaꞌam slekil te machꞌa makꞌ xcheꞌbaj yoꞌtan kuꞌune —xyut bael te Jesuse.

San Mateo 13:16

“Yan te jaꞌexe ben me tsaꞌam alekilik, porke ya awilik kꞌinal ta asitik sok ya awaꞌiyik sluwar kꞌop ta achikinik.

San Mateo 19:14

La yal te Jesuse: —Ma me xꞌakomik. Aꞌ taluk ta jtojol te untike. Te machꞌatik jachik yoꞌtanik tutꞌil untik to jaꞌ me ya xꞌoch te ba ay ta mantal te Diose —xchi.

San Mateo 24:46

Ben tsaꞌam te aj-aꞌtelil teme jich yipal ta spasel a te ya xjul taek yuꞌun te yajwale.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 8:11

Pe ya kalbeyex: Ay me bayal ya xtal ta slokꞌib kꞌajkꞌal sok te ba xchꞌay kꞌajkꞌal y ya xtal sjoyinik ta weꞌel te jꞌAbrahame, te jꞌIsaake, te Jacobe te ba ay ta mantal te Diose.

San Marcos 10:14

La yil tsꞌin te Jesuse, ma tsaꞌamuk la yaꞌi, y la yal: —Taluk ta jkuenta te untike. Ma me komik, porke te machꞌa jachik yoꞌtanik tutꞌil untik to, ya xjuꞌ ya xꞌoch te ba ay te Diose.

San Lucas 11:28

Te Jesuse la sjakꞌ: —Jaꞌ ben tsaꞌam slekil te machꞌatik ya yaꞌibeyik sluwaril te skꞌop Diose, y ya xchꞌuunik —xchi.

San Lucas 18:14

“Ya kalbeyex: Te jkꞌan-tojemale te kꞌalal sujt bael ta snae pasbilix bael perdon yuꞌun a te Diose. Yan te fariseoe ma pasbot perdon stukel. Porke te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sba, jaꞌ me mukꞌ ya xkꞌot stukel —xchi te Jesuse.

San Lucas 22:29

Jaꞌ yuꞌun te joꞌone ya me kaꞌbeyex awaꞌtelik ta ajwalil jich tutꞌil la yaꞌbon te Jtate.

San Lucas 22:30

Y te jaꞌexe ya xweꞌ-xꞌuchꞌaex ta jmexa te ba kichꞌoj kaꞌtel ta ajwalil te joꞌone. Y ya me xnajkajex te ba mukꞌul naktajibaletik ta xchapel te lajchaytijkꞌ israeletike.

San Lucas 4:18

“Te Espíritu yuꞌun te Kajwaltike julix ta jtojol, yuꞌun tsabilon ta yalel te lek achꞌ kꞌop ta stojol te meꞌbaꞌetike. Tikonbilon tal ta skoltayel te machꞌatik ay swokolik ta ajtal-oꞌtane. Sok tikonbilon tal yuꞌun tal kalbey tutꞌil ya xkolik ta libre te machꞌatik ayik ta prexoe, sok te ya jambe sitik te choketike, sok ya jkoltay te machꞌatik mosoimbile,

San Juan 20:29

Te Jesuse la yalbe te jTomase: —Ya achꞌuun porke yuꞌun la awilonix. Ben tsaꞌam slekilik te machꞌa ya xchꞌuun manchuk me makꞌ ya yilone —xyut.

Santiago 1:10

Yan te jkꞌuleje ya skꞌan te lek ya yaꞌiy te jaꞌ ya xpekꞌutesbot skꞌoplal yuꞌun te Diose. Porke te jkꞌuleje jachꞌik tutꞌil wamal te ya yakꞌ xnich te ma xjalaje.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 22:14

Ben tsaꞌam slekil te machꞌatik ya sakꞌ te skꞌuꞌ-spakꞌike yuꞌun ya xkꞌot ta skuenta ekꞌa te teꞌ yuꞌun te kuxlejale. Jich me ya xjuꞌ ya xꞌoch te ba ay te puertaetik yuꞌun te mukꞌul jtejklume.

Apocalipsis 3:17

Yuꞌun te jaꞌate jich ya awal te jkꞌulejate, sok te lek ayat bael, sok te ni maꞌyuk tut palta ya awaꞌiye. Y ni makꞌ ya awaꞌiy aba tutꞌ ayat te toj oꞌol abae, sok te maꞌyuk tut ay awuꞌune, sok te ma xꞌawil kꞌinale, sok te tꞌaxalate.