San Mateo 5:18 - Nuevo Testamento Tzeltal de Amatenango

¹⁸ Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.

Bible in Tzeltal Bachajón

¹⁸ Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

Bible in Tzeltal de Oxchuc y Tenejapa

¹⁸ Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

San Mateo 5:18 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 10:23

Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

San Mateo 10:42

Sok te machꞌa ya yaꞌbey junuk tasa sikil jaꞌ te machꞌatik chꞌin yakꞌoj sbaik skaj te jnopojel kuꞌune, jamal ya kalbeyex, ay me smajtan ya yichꞌ —xchi te Jesuse.

San Mateo 11:11

Jamal ya kalbeyex: Ta spisilik te winketike te kꞌaxix ta balmilale maꞌyuk jtuluk te pajal yaꞌtel sok te Juan Akꞌichꞌjaꞌe. Pero te machꞌa chꞌin ay teꞌa te ba ay ta mantal te Diose, jaꞌ me mukꞌ ay yuꞌun te Juane.

San Mateo 13:17

Jamal ya kalbeyex, bayal jꞌalwanejetik yuꞌun Dios sok bayal genteetik te lek yoꞌtanik ta stojole yoꞌtanuk la yilik te tut yipalex ta yilel te jaꞌexe, pero maꞌ yilik. Yoꞌtanuk lauk yaꞌibeyik sluwaril te tut ya awaꞌiyik sluwar te jaꞌexe, pero maꞌ yaꞌibeyik sluwar stukel.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Mateo 18:18

“Jamal ya kalbeyex te tut ya akomik ta pasel liꞌ ba balmilale, jich kombil ya xkꞌot skꞌoplal ta chꞌulchan. Jich euk te tut ya awakꞌik ta pasel liꞌ ba balmilale, jich albilix skꞌoplal ta chꞌulchan abi.

San Mateo 18:3

La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

San Mateo 19:23

Te Jesuse lijk yalbe te jnopojeletik yuꞌune: —Jamal ya kalbeyex: Te jkꞌulejetike lom wokol ya yajwalinik te Diose.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 21:21

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

San Mateo 21:31

“¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

San Mateo 23:36

Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.

San Mateo 24:2

Te Jesuse la yaltalanbe: —¿Me yipalex ta yilel spisil to? Jamal ya kalbeyex, spisil me ya xjimot. Ma me ayuk jpꞌejuk ton te kajal ya xjil ta sba te jpꞌej xan tone —xchi te Jesuse.

San Mateo 24:47

Jamal ya kalbeyex, te yajwale ya me yaꞌbey skanantay spisil te tutik ay yuꞌune.

San Mateo 25:12

Pero la yal te jnujpunele: “Jamal ya kalbeyex ma jnaꞌbeyex abaik”, xchi.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Mateo 5:26

Jamal ya kalbeyat, ma xjuꞌ ya xlokꞌat teꞌa jaꞌto teme la atoj te amultae.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:2

“Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

San Mateo 8:10

Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

San Marcos 10:15

Jamal ya kalbeyex, te machꞌa ma jichuk yoꞌtan tutꞌil te untike ma xjuꞌ ya yajwalin te Diose —xchi te Jesuse.

San Marcos 10:29

La yal te Jesuse: —Jamal ya kalbeyex, te machꞌa ya sjiles ta jkuenta sok ta skuenta te lek yachꞌil kꞌope jaꞌ teme sna, o sbankiltak, o xwixitak, o yitsꞌinab, o smeꞌstat, o yinam, o yuntikil, o jaꞌ te slume,

San Marcos 11:23

Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

San Marcos 12:43

Te Jesus la yikꞌ tal te jnopojeletik yuꞌune. Jich a yalbe: —Jamal ya kalbeyex, te biuda to te maꞌyuk tut ay yuꞌune, kꞌaxem jich la yakꞌ kꞌoem stukel te tutꞌil la yakꞌik te yanetike.

San Marcos 13:30

Jamal me ya kalbeyex, ma to me xchamik a te genteetik te kuxajtik ta balmilal te ya xkꞌot ta pasel spisil te tut a te la kalbeyexe.

San Marcos 14:18

Te tutꞌil yipalik ta weꞌel ta mexa, jich a yal te Jesuse: —Jamal ya kalbeyex, te ay jtul te jaꞌexe te yipal ta weꞌel sok te joꞌone, ya yakꞌon ta kꞌabal —xchi.

San Marcos 14:25

Jamal ya kalbeyex, te makꞌ ya jkuchꞌix te yaꞌlel tsꞌusube ja to tut ora ya jkuchꞌ ta yachꞌil te ba ay ta mantal te mukꞌ ajwalil te Diose —xchi te Jesuse.

San Marcos 14:30

Jesus la yalbe: —Jamal ya kalbeyat, jaꞌ mismo ajkꞌubal to ya amukon ta awoꞌtan oxeb buelta te ma to xꞌokꞌ cheb buelta te kꞌoꞌe —xchi.

San Marcos 14:9

Jamal ya kalbeyex, ta bayuk ta spꞌejel balmilal te ba ya yichꞌ alel te lek yachꞌil kꞌope, teꞌ me ya yichꞌ alel ekꞌa te tut la spasbon jal ants to skuenta yuꞌun jich me ya xnaꞌot yuꞌun spisil genteetike —xchi te Jesuse.

San Marcos 3:28

“Jamal ya kalbeyex, te Diose ya yaꞌbe perdon te winketik yuꞌun spꞌejel te smulike sok spꞌejel te ma tsaꞌamuk te ya yalike.

San Marcos 6:11

Teme ay jtejklum te ma skꞌan yikꞌexe sok ma skꞌan yaꞌiyik te tut ya awalike, lokꞌanik bael tsꞌin teꞌa. Sok tijtina jilel te stanil awoke. Jaꞌ seña ya yilik te ay ta skuentaik te ma skꞌan xchꞌuunike —xchi te Jesuse.

San Marcos 8:12

Te Jesuse la sjikꞌ yoꞌtan yuꞌun sok jich a yal: —¿Tuꞌun te ya skꞌan yilik jun seña i genteetik to? Jamal ya kal te maꞌyuk ni junuk seña ya xꞌaꞌbot yilik —xchi te Jesuse.

San Marcos 9:1

Jesus la yalbe xan: —Jamal ya kalbeyex, ay jtul cheb te liꞌ ayike te ma to xchamik a jaꞌ to te ya yilik te ya xtal sok spoder a te Kajwaltik Diose —xchi te Jesuse.

San Marcos 9:41

Machꞌauk a te ya yaꞌbeyex junuk baso jaꞌ te ayex ta jkuenta te Cristoone, jamal ya kalbeyex ay me smajtꞌan ya yichꞌ —xchi.

San Lucas 11:51

Jaꞌ bi, jaꞌ slijkibal te malbot xchꞌichꞌel te jꞌAbele sok jaꞌ to te kꞌalal malbot xchꞌichꞌel te Zacariase, jaꞌ te la yichꞌ milel ta yolil te xchikꞌojibal smajtan Dios te ba temploe. Jich me ya kalbeyex, te machꞌatik kuxulik ta balmilal te ora to ya me xꞌaꞌbot xkuchik smalel te xchꞌichꞌelike.

San Lucas 12:37

Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

San Lucas 13:35

Yotik to ya kalbeyex awaꞌiyik: Te alumalike ya me xchꞌojot jilel. Sok ya kalbeyex te makꞌ ya awilbikonix jsite jaꞌ to teme ya sta yorail te jich ya awalike: “Ben me tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.

San Lucas 16:17

Ya xjuꞌ ya xlaj te chꞌulchan sok te balmilale, pero ma xchꞌay skꞌoplal ni jpꞌaluk stukel te mantaliletike.

San Lucas 18:17

Jamal ya kalbeyex: Te machꞌa ma jachikuk yoꞌtan te tutꞌil alal to ma xjuꞌ ya yajwalinik te Diose —xchi te Jesuse.

San Lucas 18:29

Te Jesuse la yalbe: —Jamal ya kalbeyex: Te machꞌa ay tut ya sjiles yuꞌun te ya yaꞌbe yajwalin Dios te yane, chikan teme ya sjiles snae, o yinam, o sbankiltak, o yijtsꞌinab, o smeꞌ-stat, o yuntikil,

San Lucas 23:43

Te Jesuse la sjakꞌbe: —Jamal ya kalbeyat, te ora to ya me joyin jbajtik ta lekilal —xchi.

San Lucas 4:24

Sok la yaltalanbe: —Jamal ya kalbeyex, ma xꞌakꞌot ta jkuenta ta slumal te machꞌa jꞌalwanej yuꞌun te Diose.

San Juan 1:51

Te Jesuse la yalbe xan: —Jamal ya kalbeyex te jaꞌexe, ya me awilik jamal te chꞌulchane, y te angeletik yuꞌun te Diose ya me awilik te xko xmo ta stojol te Nichꞌanile.

San Juan 10:1

Jich a yal te Jesuse: —Jamal ya kalbeyex, te machꞌa ma ta tiꞌ koraluk ya xꞌoch te ba skoral te karneraetike, teme bayuk nax ya xꞌoche, jaꞌ me jꞌelekꞌ sok jꞌilbajinwanej abi.

San Juan 10:7

Te Jesuse la yaltalanbe xan: —Jaꞌ to jamal ya kalbeyex: Joꞌon te trankaon te ba ya xꞌoch te karneraetike.

San Juan 12:24

Jamal ya kalbeyex, teme ay pꞌejuk sbakꞌ triwu teme makꞌ xtꞌuxaj koel sok makꞌ xkꞌaꞌ ta lume, sigue yal jpꞌej. Pero teme kꞌaꞌe, bayal ya yakꞌ sit.

San Juan 13:16

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

San Juan 13:38

Te Jesuse la sjakꞌbe: —¿Me jicha ya awal te dispuesto ayat te ya awakꞌ aba ta milel ta jkaje? Yuꞌun jamal ya kalbeyat: Antes ma to xꞌok a te tat kꞌoe, oxmelix la amukon ta awoꞌtan a —xyut.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Juan 16:20

Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

San Juan 16:23

“Te tut kꞌaalil ya xkꞌot ta pasele, ma me ayuk tut ya ajojkꞌobikonix a. Jamal ya kalbeyex spisil te tut ya akꞌambey te Tatil ta joꞌon jkuentae ya me yaꞌbeyex.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 6:26

Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

San Juan 6:32

Te Jesuse la sjakꞌtalanbe: —Jamal ya kalbeyex, ma jaꞌuk te jMoises te la yaꞌbey te antibo ameꞌ-atatik te waj te tal ta chꞌulchane; te machꞌa ya yakꞌ te batsꞌil waj te ya xtal ta chꞌulchane, jaꞌ te jTate.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Juan 6:53

Te Jesuse la yaltalanbe: —Jamal ya kalbeyex, teme ma la aweꞌbe stiꞌbalul te Nichꞌanile, sok teme ma la awuchꞌbe te xchꞌichꞌele, maꞌyuk akuxlejalik.

San Juan 8:34

Te Jesuse la yaltalanbe: —Jamal ya kalbeyex: Spisil te machꞌa ya xmulawe, jaꞌ mosoimbil yuꞌun te mulile.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 8:58

Te Jesuse la sjakꞌtalanbe: —Jamal ya kalbeyex, te kꞌalal ma to ayuk a te jꞌAbrahame, jtalel ayonix a te joꞌone —xchi.

1 Pedro 1:25

Pero te skꞌop te Kajwaltike, jmel nax a y sbajtel kꞌinal”, te xchie. Y te kꞌop to jaꞌ te skꞌoplal kolel te la yalbelex te jaꞌexe.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.