San Mateo 5:16 - Nuevo Testamento Tzeltal de Amatenango

¹⁶ Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

Bible in Tzeltal Bachajón

¹⁶ Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

Bible in Tzeltal de Oxchuc y Tenejapa

¹⁶ Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Mateo 5:16 ပူးပေါင်းရင်းမြစ်များ

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Mateo 23:9

Ma me ayuk jtuluk ta balmilal te ya akuyik ta atatike, porke jtul nax te Atatike, jaꞌ te Machꞌa ay ta chꞌulchane.

San Mateo 5:45

Jich me yal-xnichꞌanex ya xkꞌoex te jTatik te ay ta chꞌulchane. Jich pajal ya yakꞌ lokꞌuk tal kꞌajkꞌal ta stojol machꞌatik lek yoꞌtanik sok machꞌatik ma lekuk yoꞌtanik. Sok pajal ya yakꞌ tal jaꞌal ta stojol te machꞌatik toj ta genteile y sok machꞌatik ma tojuke.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:9

“Te jaꞌexe, jich me xꞌakꞌoponik te Diose: “Jtatik Dios te ayat ta chꞌulchane, a me chꞌuunekix ta lek te achꞌul-biile.

San Mateo 9:8

Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

San Lucas 11:2

Altalanbot yuꞌun te Jesuse: —Te kꞌalal ya akꞌoponik te Diose jich me xꞌawalik to: Jtatik Dios te ayat ta chꞌulchane, aꞌ me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. Laꞌ me pasa te tut ya skꞌan awoꞌtan ta balmilal jachik tutꞌil ta chꞌulchane.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

1 Corintios 14:25

Jich ya xchiknaj te tut mukul ay ta yoꞌtane, y jich me ya skejan sba ta stojol Dios, y jich me ya snaꞌ te batsꞌi jich te ay ta awolilik te Diose.

2 Corintios 9:13

y ya me yalbeyik slekilal a te Diose yuꞌun te koltayel te la awaꞌbeyik ya yakꞌ ta ilel te jaꞌex achꞌuunejik te lek achꞌ kꞌop yuꞌun te Cristoe. Jich me ya yalbeyik slekilal a te Diose yuꞌun te bayal tut la awakꞌik te jaꞌexe te ya xtuun yuꞌunik sok ta spisil te hermanoetike.

Gálatas 1:24

Y la yalbeyik kola yal Dios yuꞌun ta jtojol.

Efesios 2:10

Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

1 Tesalonicenses 2:12

La kalbetikex te jich me xꞌapasik te tutꞌil ya skꞌan ya spas te machꞌatik yuꞌun te Diose, te la yikꞌex skuenta yuꞌun ya xkꞌoex ta ba ay ta ajwalinel y sok te ba ay te slekilale.

1 Timoteo 2:10

Jaꞌ me a xchap sbaik yuꞌun te lekil aꞌtele jich tutꞌil te ya skꞌan spas te antstik te jun yoꞌtanik xchꞌuunejik te Diose.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

1 Timoteo 5:25

Jaꞌ nax jich euk, te lekil aꞌteliletike ya xchiknaj ta jamal. Sok te tutik ma chikanuke, ma spas te sil tiempo nakꞌal ya xjile.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Tito 3:4

Pero te Diose, te jKoltawanej kuꞌuntike, la yakꞌ ta ilel te slekil yoꞌtan sok xkꞌuxul yoꞌtan ta stojol te genteetike.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

1 Pedro 3:1

Jich te jaꞌexe antstik, chꞌuunbeyaik me smantal te amamlalike, yuꞌun teme ay amamlalik te ma xchꞌuunik te skꞌop Diose, tikꞌ ya me xchꞌuunik a teme ya yilik te spisil te tut ya apasike. Ma puersauk ya yichꞌ albeyel te skꞌop Diose,

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.