San Mateo 5:11 - Nuevo Testamento Tzeltal de Amatenango

¹¹ “Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

Bible in Tzeltal Bachajón

¹¹ Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic.

Bible in Tzeltal de Oxchuc y Tenejapa

¹¹ “Bin nax me awutsilic teme ya sbolc'optayex, soc teme ya yuts'inex, soc teme ya slotbeyex ac'oplalic te ants-winiquetic ta jo'on jwenta.

San Mateo 5:11 ပူးပေါင်းရင်းမြစ်များ

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.

San Lucas 21:17

y spisil genteetik ya me spꞌajex ta joꞌon ta jkaj.

San Marcos 13:13

Ya me spꞌajelex spꞌejel te genteetik yuꞌun te achꞌuunejikone. Te machꞌa ya xkujchꞌ yuꞌun kꞌal ta slajibal kꞌaale, ya me xkol.

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Lucas 6:22

Ben me tsaꞌam alekilik jaꞌex teme ayex ta ilintayel yuꞌun te genteetike, sok teme ya stenex lokꞌele, sok teme ya sbol-kꞌoptayexe, sok teme ya spꞌajex te tutꞌil ma tsaꞌamukex ta skꞌopike teme jaꞌ ta skaj te Nichꞌanile.

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 10:39

Te machꞌa ya xkꞌuxutay sba sok te xkuxlejale, ya me xchꞌay sok te xkuxlejale. Yan te machꞌa ya xchꞌay xkꞌuxlejal teme joꞌon ta kaje, ya me xkuxuyin stukel.

Apocalipsis 2:3

Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

San Mateo 19:29

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

2 Corintios 4:11

Yuꞌun te jayebuk kꞌaal kuxulotik te joꞌotike, sil tiempo ayotik ta lajel ta skaj te Jesuse, yuꞌun jich me ya xchiknaj ta jtiꞌbalultik te ya xlaje te tutꞌil ay xkuxlejal te Jesuse.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

Romanos 8:36

Jaꞌ jich te tut ya yal te Sjun Dios: “Jaꞌat ta akaj te sil tiempo ayotik ta milele; jich kuybilotik te tutꞌil karnera te ya xꞌikꞌot bael te ba ya xmilote”, xchi me.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

San Lucas 9:24

Jich te machꞌa ya xkꞌuxutay sba sok te xkuxlejale ya me xchꞌay sok te xkuxlejale. Yan te machꞌa ya xchꞌay xkuxlejal, teme joꞌon ta jkaje, ya me xkol stukel.

San Marcos 8:35

Spisil te machꞌa ya skꞌuxutay sba sok te skuxlejale, ya me xchꞌay sok te skuxlejal. Yan te machꞌa ya xchꞌay skuxlejal teme joꞌon ta jkaje y sok ta skuenta te lek yachꞌil kꞌope, jaꞌ me xkuxuyin stukel.

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

Hechos 9:16

Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

San Marcos 13:9

“Ila me abaik te jaꞌexe. Ya me yakꞌelex ta skꞌab te juꞌeletike, y ya me awichꞌik majel ta chꞌulnaetik. Ya me stejkꞌanelex ta sit juꞌeletik sok ta sit gobierno ta skaj te achꞌuunejikone. Jich me kaj-testigoex ya xkꞌoex kuꞌun ta yolilik.

San Mateo 27:39

Te machꞌatik ya xlaj kꞌax teꞌae ya sutilan sjolik ta yikꞌtinel.

San Marcos 4:17

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skaj te skꞌop Diose, ora ya xchꞌay te xchꞌuunel yoꞌtanik yuꞌun.

San Mateo 10:18

sok ya me yikꞌelex bael ta stojol juꞌeletik sok ta sit gobierno ta skaj te achꞌuunejikone. Jich me testigo ya xkꞌoex kuꞌun te stojolik sok ta stojol te machꞌa ma snaꞌbeyik sba te Diose.

San Juan 9:28

Jicha lijk yutik te winike y la yalbeyik: —Te jaꞌate jaꞌ atsꞌakliyej te winike, pero te joꞌotike jaꞌ sigue ya jtsꞌaklitik te jMoisese.

Filipenses 1:29

Ma jaꞌuk nax a yaꞌbelex te ya achꞌuunik te Cristoe, sino ke jich yaꞌbelex ekꞌa te ya xkꞌax awokolik ta skuenta.