San Mateo 4:9 - Nuevo Testamento Tzeltal de Amatenango

⁹ Y la yalbe: —Teme ya akejan aba ta jtojole ya me kaꞌbeyat spisil tsꞌin to —xchi te pukuje.

Bible in Tzeltal Bachajón

⁹ hich halbot yu'un: Spisil ya ca'bat ini teme yac aquejan aba ta jtojol soc teme yac ach'uhuntayone, xchi.

Bible in Tzeltal de Oxchuc y Tenejapa

⁹ Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

San Mateo 4:9 ပူးပေါင်းရင်းမြစ်များ

San Mateo 26:15

Jicha kꞌo yal: —¿Jayeb ya awaꞌbikon a ya kaꞌbeyex entregal te Jesuse? —xchi. Jich a yaꞌbey treinta ta sejp plata-takꞌin.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

1 Timoteo 3:6

Jaꞌ yuꞌun, te machꞌa ya yichꞌ yaꞌtel ta ansianoile, ma me jaꞌuk te laj to nax xchꞌuun te Diose. Ma me teyuk ya xlijk stoy sba a, y jich ya sta kastigo jich tutꞌil la sta te pukuje.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.