San Mateo 4:4 - Nuevo Testamento Tzeltal de Amatenango

⁴ La yal te Jesuse: —Tsꞌibabil ta Sjun Dios te ma jaꞌuk nax waj te ya xkuxuyin a te genteetike. Jaꞌ ya xkuxuyinik yuꞌun spisil te tut ya xlokꞌ ta stiꞌ te Diose —xchi te Jesuse.

Bible in Tzeltal Bachajón

⁴ La sjac' te Jesús: Hich ts'ihbabil: Ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Diose, la yut.

Bible in Tzeltal de Oxchuc y Tenejapa

⁴ La yal te Jesuse: —Jich ts'ibubil ta Sjun Dios: “Ma ja'uc nax waj cuxulic a te ants-winiquetique. Ja' ya xcuxinic yu'un spisil te bila yaloj Dios ta sti'”, te xie —xi' te Jesuse.

San Mateo 4:4 ပူးပေါင်းရင်းမြစ်များ

San Mateo 15:11

Te tut ya xꞌoch ta stiꞌ te winike ma jaꞌuk ma tsaꞌamuk ya xkꞌot ta stojol Dios yuꞌun. Jaꞌ ma tsaꞌamuk ya xkꞌoex ta stojol Dios yuꞌun te tut ya xlokꞌ ta atiꞌike —xchi te Jesuse.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Mateo 4:7

La yal te Jesuse: —Sok jich tsꞌibabil euk: “Ma me xꞌawilbe yoꞌtan te Kajwaltik Dios awuꞌune”, xchi me —xchi.

San Marcos 7:20

Sok la yal xan: —Te tut ya xlokꞌ tal ta awoꞌtanik, jaꞌ ma tsaꞌamuk ya xkꞌoex ta skuenta Dios yuꞌun stukel.

San Lucas 4:12

Te Jesus la sjakꞌbe: —Sok jich ya yal euk te Sjun Diose: “Ma me xꞌawilbe yoꞌtan te Kajwaltik Dios awuꞌune”, xchi me —xchi.

San Lucas 4:4

La sjakꞌ te Jesuse: —Tsꞌibabil ta Sjun Dios te “ma ta wajuk nax kuxulik te genteetike. Jaꞌ ya xkuxuyinik yuꞌun spisil te tut yaloj ta stiꞌ te Diose”, xchi me —xchi te Jesuse.

San Lucas 4:8

Te Jesuse la sjakꞌbe: —Kꞌeja aba ta jtojol Satanas, porke tsꞌibabil jilel ta Sjun Dios: “Jaꞌ nax me ya akejana aba ta stojol te Kajwaltik Dios awuꞌune. Sok jaꞌ nax me xꞌawakꞌ aba ta mantaltesel yuꞌun stukel”, xchi me —xchi.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 6:63

Jaꞌ kuxulat yuꞌun te Espiritue; yan te atiꞌbalule ma tut snaꞌ stukel. Y te tutik la kalbeyexe jaꞌ yuꞌun te Espiritue, jaꞌ ya xkuxuyinex yuꞌun.

Romanos 15:4

Spisil te nail albil ta Sjun te Diose la yichꞌ tsꞌibayel yuꞌun jpꞌijuteseltik. Yuꞌun jich me ay spuersa koꞌtantik y sok ya sjunutesbotik koꞌtantik te jich ya jtajtik a te ay tut ya jmalitike.

Efesios 6:17

Jaꞌuk me smajkil ajolik te akolelike. Y te skꞌop Diose jaꞌuk me apuñalik te ya yaꞌbeyex te Chꞌul Espiritue.