San Mateo 3:2 - Nuevo Testamento Tzeltal de Amatenango

² Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

Bible in Tzeltal Bachajón

² hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Bible in Tzeltal de Oxchuc y Tenejapa

² Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Mateo 3:2 ပူးပေါင်းရင်းမြစ်များ

San Mateo 10:7

Baanik, alaik bael: “Nopol ya xlijkix ta mantal te jTatik Diose”, xchaex me.

San Mateo 11:20

Te Jesuse lijk yalbe skꞌoplal te jtejklumetik te ba spasoj bayal smilagroe, pero te gentee ma sujtes yoꞌtanik yuꞌun te smulike. Jich a yal:

San Mateo 12:41

“Te kꞌalal ya sta yorail ya xꞌilbot yaꞌtelik te genteetik te kuxulik te ora to, teꞌ me ayik euk te jniniveetike. Jaꞌ me ya yalbeyik smulik kꞌoem, yuꞌun te jniniveetike la sujtes yoꞌtanik yuꞌun smulik te kꞌalal albot yaꞌiyik skꞌop Dios yuꞌun te Jonase.

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Mateo 13:24

Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

San Mateo 13:31

Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

San Mateo 13:33

Ay yan seña-kꞌop te la yal te Jesuse: —Te tutꞌil ya xkꞌot ta ajwalinel te Diose, ja pajal sok te levadurae te la skap sok oxpꞌis jarina te antse, jaꞌ to te sijtꞌ ta swolol te matsꞌe —xchi te Jesuse.

San Mateo 13:47

“Te tutꞌil ya xkꞌot ta ajwalinel te Diose, jaꞌ pajal kꞌoem sok te stsajkil-chay te ya xchꞌojot ochel ta mare yuꞌun ya stsak lokꞌel spisil ta kaj te chaye.

San Mateo 13:52

La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

San Mateo 18:23

“Jaꞌ yuꞌun te ba ay ta mantal te Diose, jachik kꞌoem te tutꞌil ay jtul ajwalil te la skꞌan yichꞌbe jkuenta sbet te aꞌteletik yuꞌune.

San Mateo 20:1

La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

San Mateo 22:2

—Te tutꞌil ya xkꞌot ta ajwalinel te Diose, jich kꞌoem te tutꞌil jtul rey te la spas kꞌin yuꞌun te ya xnujpun te xnichꞌane.

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 25:14

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok jtul winik te nopol xbajtix ta yan nasione. La yikꞌtalan tal te aꞌteletike, la yaꞌbe jilel skanantay te stakꞌine.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Mateo 5:10

“Ben me tsaꞌam slekilik te machꞌatik ya xkꞌax swokolik ta ilbajinel yuꞌun ta skꞌaj te yaꞌtelinejik spasel te tut ya skꞌan te Diose, jich jaꞌ mukꞌ Dios yuꞌunik te ay ta chꞌulchane.

San Mateo 5:3

—Ben me tsaꞌam slekilik te machꞌatik meꞌbaꞌ ya yaꞌiy ta yoꞌtanike, porke jaꞌix te Mukꞌ Ajwalil yuꞌunik te Diose.

San Mateo 6:10

Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

San Mateo 6:33

Jaꞌ me xꞌawajwalinik nailuk te Diose sok oꞌtantayaik spasel te tut ya skꞌan yoꞌtan stukele. Ya me yaꞌbelex spisil te tut ya xtuun awuꞌunike.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

San Marcos 1:4

Jaꞌ tsꞌin te Juane tal yakꞌtalanbey yichꞌik jaꞌ ta tꞌatꞌan luwar te genteetike. Sok jich a yalbe te ya me sujtes yoꞌtanik yuꞌun te smulike sok ya me yakꞌ sbaik ta ichꞌjaꞌ, yuꞌun me jich ya spasbot perdon yuꞌun te smulike.

San Marcos 6:12

Jich lokꞌik bael te jnopojeletik, ba yalbe te genteetik te a me sujtes yoꞌtanik yuꞌun te smulike.

San Lucas 1:16

Ya me sujtesbe yoꞌtan bayal ta jtul te alumal Israel ta stojol te Kajwaltik Dios awuꞌunike.

San Lucas 11:20

Pero te ya jlokꞌes te pukujetike, jaꞌ nax ta skuenta spoder te Diose. Jich chikanix ta jamal a te ayix ta ajwalil ta awolilik te Diose.

San Lucas 13:3

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk.

San Lucas 13:5

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk —xchi te Jesuse.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

San Lucas 16:30

“Te jkꞌuleje la sjakꞌ: “Ma teyuk a, jtatik Abraham. Yan te ayuk jtul anima te ya xchaꞌkux sok te ya xba albek yuꞌune, jich me ya sujtes yoꞌtanik yuꞌun te smulike”, xchi.

San Lucas 21:31

Sok jich mismo ekꞌa te kꞌalal ya awilik te ya xkꞌotix ta pasel spisil to, naꞌaik me te nopolix ya xlijk ta mantal te Diose.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Lucas 6:20

Te Jesuse la skꞌeluy te jnopojeletik yuꞌune, jich a yaltalanbe: —Ben me tsaꞌam alekilik jaꞌex te meꞌbaꞌexe, porke jaꞌ ajwalilix awuꞌunik te Diose.

San Lucas 9:2

La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Hechos 26:20

Yuꞌun primero a kalbey te skꞌop Dios te machꞌatik aylan ta Damascoe, sok te nax ta Jerusalen, y sok spisil te estado yuꞌun Judeae, y sok te machꞌatik ma juriyouke. La kaltalanbe te yauk sjilesik te smulike, sok te yauk sujtes yoꞌtanik ta stojol Diose, sok yauk xchiknaj ta yaꞌtelik te sujtemix yoꞌtanike.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

2 Corintios 7:10

Porke te ajtal-oꞌtan te ya xtal ta skuenta Diose, jich me ya sujtes koꞌtantik yuꞌun a sok jich me ya xkolotik yuꞌun a. Jich maꞌyukix ajtal-oꞌtanil. Pero te ajtal-oꞌtan yuꞌun te balumilale, ya me yakꞌ lajel.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

2 Timoteo 2:25

Sok ya skꞌan te chꞌunuluk yoꞌtan ya stojutes te machꞌatik ya xkontrainwanike. Ya smaliy teme Dios ya sujtesbe yoꞌtanik y teme ya snaꞌik te tut a te batsꞌi jiche.

Hebreos 6:1

Jich yuꞌun sigueukotik bael jaꞌ to te mukꞌul gente ya xkꞌootike. Ya skꞌan te ya xkꞌaxotik bael a te tut primero nojpesel yuꞌun te Cristoe. Ma me yauk xchaꞌsujtotik xan ta snopilanel te tutik ay ta slijkibale: jich tutꞌil te ya sujtes koꞌtantik te tut a jpastik te ya yakꞌotik bael ta lajele, o jich tutꞌil te ya skꞌan chꞌuunel te Diose,

2 Pedro 3:9

Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

Apocalipsis 2:21

La kaꞌbeyix bayal tiempo yuꞌun te ya sujtes yoꞌtan ta stojol Dios, pero ma skꞌan ya sujtes yoꞌtan y ma xyijkitay te kremiwejele.

Apocalipsis 2:5

Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.