San Mateo 3:11 - Nuevo Testamento Tzeltal de Amatenango

¹¹ Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

Bible in Tzeltal Bachajón

¹¹ Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Bible in Tzeltal de Oxchuc y Tenejapa

¹¹ Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Mateo 3:11 ပူးပေါင်းရင်းမြစ်များ

San Mateo 3:6

Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.

San Marcos 1:4

Jaꞌ tsꞌin te Juane tal yakꞌtalanbey yichꞌik jaꞌ ta tꞌatꞌan luwar te genteetike. Sok jich a yalbe te ya me sujtes yoꞌtanik yuꞌun te smulike sok ya me yakꞌ sbaik ta ichꞌjaꞌ, yuꞌun me jich ya spasbot perdon yuꞌun te smulike.

San Lucas 1:17

Te Juane ya me xnalaj ta yalel skꞌoplal te Kajwaltike. Jich me yoꞌtan te tutꞌil te jꞌElias te antibo jꞌalwaneje, y pajal me yaꞌtel sok. Ya me yakꞌ jelonuk xkuxlejalik te meꞌil-tatiletike sok te yuntikilike, sok ya me yaꞌbe snopik xchꞌuunel mantal te jkꞌaxintayej-mantaliletike. Jich me chapalix yoꞌtanik a te jtejklume te ya smaliyik a te Kajwaltike —xchi te chꞌul ángele.

San Lucas 3:16

Pero te Juane la yaltalanbe spisil te genteetike: —Te joꞌon jaꞌ nax ya kaꞌbeyex awichꞌik jaꞌ ta jaꞌ nax. Yan te machꞌa ya xtale jaꞌ me ya yaꞌbeyex awikꞌik te Chꞌul Espiritue sok kꞌajkꞌ. Mas tulan yaꞌtel yichꞌoj stukel ke te joꞌone. Jichon ma xjuꞌ te ay tut ya jpas chꞌinuk ta skuentae, ni ya jkujan jba ta spolbeyel te yakꞌil swawe.

San Lucas 3:3

Te Juane la yokli spisil te tiꞌtiꞌjaꞌ Jordane. La yalbe spisil te genteetik te a me sujtes yoꞌtanik yuꞌun te smulike sok a me yichꞌik jaꞌ, yuꞌun jich me ya spasbot perdon yuꞌun Dios te smulike.

San Juan 1:15

Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

San Juan 1:30

Jaꞌ to jaꞌ te la kalbe skꞌoplal te patil ya xtal kuꞌune te jaꞌ mas tulan skꞌoplal stukel ke te joꞌone, porke stalel ayix a stukele te kꞌalal ma to ayukon a te joꞌone.

Hechos 1:5

Jich te Juane la yaꞌbe yichꞌ jaꞌ te gente ta jaꞌ nax. Pero ma jalukix kꞌaal te jaꞌexe te ya yaꞌbelex awichꞌik te Chꞌul Espiritue —xchi te Jesuse.

Hechos 19:4

Te jPabloe la yaltalanbe: —Jich. Te Juane la yaꞌbe yichꞌjaꞌ te machꞌatik ya sujtes yoꞌtanik yuꞌun smule. Pero la yaltalanbe te jaꞌ ya xchꞌuunik te machꞌa patil ya xtal yuꞌune, jaꞌ bi, jaꞌ te Jesus te Cristoe —xchi.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Hechos 8:38

Jich a yal mantal te ya xkom te skarretae. Te Felipee sok te winike laj ko bael ta ba jaꞌe, y la yaꞌbe ichꞌjaꞌ.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Tito 3:5

La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.