San Mateo 27:2 - Nuevo Testamento Tzeltal de Amatenango

² Xchukojik bael sok kꞌo yakꞌik entregal ta skꞌab te Poncio Pilatoe te ay ta gobiernoil yuꞌun a te Romae.

Bible in Tzeltal Bachajón

² Chucul a la yiq'uic bahel, c'oht ya'beyic ta sc'ab te gobernador Poncio Pilato.

Bible in Tzeltal de Oxchuc y Tenejapa

² Jich la xchuquic bael. C'o yac'beyic ta sc'ab te Gobernador Poncio Pilato.

San Mateo 27:2 ပူးပေါင်းရင်းမြစ်များ

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 28:14

Sok teme la yaꞌibe sluwaril te gobiernoe, joꞌotik me ya xba kꞌopojukotik awuꞌunik. Jich me makꞌ ya ata awokolik euk te jaꞌexe —xchiik.

San Lucas 13:1

Mismo tiempo a, ay machꞌatik a tal yalbe te Jesuse te tutꞌil ay te Galileaetik te ba miltalanek yuꞌun te jPilatoe. Teꞌ malbot xchꞌichꞌel a te ba yipalik ta smilbeyel smajtan te Diose.

San Lucas 20:20

Jaꞌ yuꞌun la stikonik jꞌilawetik te skuyoj sbaik te lek yoꞌtanik ta ilel ta stojol te Jesuse, yuꞌun jich me ya yaꞌbeyik yal a te tut ma lekuke. Jich me ya xba yakꞌik entregal ta stojol te gobiernoe.

San Lucas 23:1

Spisilik a jajchik bael. La yikꞌik bael ta stojol jPilato te Jesuse.

San Lucas 23:12

Mismo kꞌaal a pajt yoꞌtanik te jPilato sok te jHerodese, yuꞌun te nail toe skontrainej sbaik.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

San Juan 18:12

Te soltaroetike sok te statal yuꞌunike sok te polisiaetik yuꞌun te statal juriyoetik la skomon-chukonik bael te Jesuse.

San Juan 18:24

Jich te jꞌAnase chukul a stikon bael te Jesus ta stojol te statal saserdote jCaifase.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

Hechos 12:6

Pero pajel xanix a te ya xba tejkꞌanek ta sitil komon yuꞌun te jHerodes, mismo ajkꞌubal a wayal to a te jPedroe, lotꞌbil yuꞌun chaꞌtul soltaroetik y chukul ta chaꞌlijk kadena. Y te yan soltaroetike teꞌeyik ba puertae, skananteyejik te prexoe.

Hechos 21:33

Jich te statal soltaroe tijilaj bael, la yakꞌ ta tsakel te jPabloe, sok la yal mantal te ya xchukik ta chaꞌlijk kadenae. Patil la sjojkꞌoy machꞌa a y tut spasoj.

Hechos 22:25

Pero te kꞌalal chukulix yuꞌunik a te ya yaꞌbeyik aresiale, te jPabloe la sjojkꞌobe te statal jtijkꞌ soltaro te teꞌey ae: —¿Me jaꞌ wan awichꞌoj awaꞌtelik yuꞌun te ya awaꞌbeyik aresial jtul jromano te ma to chapojikuk teme ay smule? —xchi te jPabloe.

Hechos 22:29

Jich te machꞌatik kꞌan smajik te jPabloe la skꞌej sbaik bael ta stojol. Jich te statal soltaroe, kꞌalal la yaꞌiy te jromano te jPabloe, xiꞌ yuꞌun te xchukoj ta kadenae.

Hechos 24:27

Cheb jaꞌbil te jicha kꞌax yuꞌune. Te nax a lokꞌ ta gobiernoil te Felixe. Jaꞌ sjelol a jil te Porcio Festoe. Te Felixe jaꞌ ya skꞌan te lek xꞌalbot skꞌoplal yuꞌun te juriyoetike, jich a yakꞌ jilel ta prexo te jPabloe.

Hechos 28:20

Jaꞌ yuꞌun te la kakꞌex tal ta ikꞌele, yuꞌun ya awilik sok ya awaꞌiyik. Porke te tutꞌil chukulon ta kadena ya awilike, jaꞌ nax ta skaj te tut yipalotik ta smaliyel joꞌotik te israelotike —xchi te jPabloe.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

Hechos 9:2

y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

1 Timoteo 6:13

Te ora to, ya jpasat ta mantal ta stojol te Diose, te ya yaꞌbe xkuxlejal spisil te tutik aye, y ta stojol te Jesucristoe te jich jamal a yal sba euk ta sit te Poncio Pilatoe.

2 Timoteo 2:9

Y ta skaj te lek yachꞌil kꞌop to te ay kuꞌun te wokoletike. Asta chukulon ta kadena jich tutꞌil te jtul jmulawil te lom tulan smule. Pero te skꞌoplal te Diose ma chukuluk ta kadena stukel.

Hebreos 13:3

Naꞌaik me te machꞌatik ayik ta prexoe. Jichuk me kꞌoem ta awoꞌtanik te ayex ta prexo soke. Naꞌaik me te machꞌatik ayik ta ilbajinele. Jichuk me ta awoꞌtanik te ya xkꞌax awokolik soke.