San Mateo 22:3 - Nuevo Testamento Tzeltal de Amatenango

³ La stikon bael yaj-mantal te ya xba yikꞌtalan tal te machꞌatik ikꞌtalanbil ta nujpunele. Pero ma skꞌan a laj tal.

Bible in Tzeltal Bachajón

³ La sticon bahel te a'batetic yu'un ta yiq'uel tal te mach'atic ic'bilic ta yilel te nuhpunel, pero ma ba la sc'an talic.

Bible in Tzeltal de Oxchuc y Tenejapa

³ La sticun bael abatetic te ya xba yic' tel te mach'atic ic'bilic ta yilel te nujbinele, ja'uc me to, ma la sc'an talic.

San Mateo 22:3 ပူးပေါင်းရင်းမြစ်များ

San Mateo 21:34

“Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

San Mateo 23:37

“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

San Lucas 13:34

“Jerusalen, Jerusalen, te kꞌayemat ta smilel te jꞌalwanejetik yuꞌun te Diose, sok kꞌayemat ta xchꞌojel ta ton te machꞌatik tikonlanbil tal yuꞌun Dios ta atojolike. Bayal buelta te kꞌan jtsob te awal-anichꞌanike jich tutꞌil ya stsob xchꞌinik yal ta yanil xikꞌ te mute, pero ma la akꞌanik.

San Lucas 15:28

“Pero te bankilale ilin yuꞌun. Ma skꞌan te ya xꞌoch bael ta snae. Jich te state puersa lokꞌ tal ta slekil-kꞌopon te xnichꞌane te yauk xꞌoch bael ta snae.

San Lucas 19:27

Yan te machꞌatik skontrainejone te ma skꞌanik te ya xꞌochon ta reyil ta stojolike, ikꞌbikon tal liꞌ to, y milaik ya kil ta jsit”, xchi te reye —xchi ta yalel te Jesuse.

San Juan 5:40

Te jaꞌexe ma xꞌakꞌan xtalex ta jtojol yuꞌun te ya ataik a te kuxlejale.

Hechos 13:45

Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik.

Romanos 10:21

Y jaꞌ skꞌoplal te israeletik te jich ya yal te jꞌIsaiase: “Spꞌejel kꞌaal jtoyoj jkꞌabꞌ ta smaliyel te jun jtejklum te ma xchꞌuun mantale y sok te jkꞌaxintawanejetike”, xchi me.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.