San Mateo 2:2 - Nuevo Testamento Tzeltal de Amatenango

² Jul sjojkꞌoyik: —¿Ba ay te rey yuꞌun te juriyoetik te ayinemixe? Yuꞌun ay la kiltik a lokꞌ tal ekꞌ. Jaꞌ yuꞌun tal kalbetik kola yal —xchiik.

Bible in Tzeltal Bachajón

² hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

Bible in Tzeltal de Oxchuc y Tenejapa

² Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

San Mateo 2:2 ပူးပေါင်းရင်းမြစ်များ

San Mateo 2:3

Kꞌalal la yaꞌiy te rey Herodese, toj cham a yaꞌiy sok spisil te machꞌatik ayik ta Jerusalene.

San Mateo 21:5

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

San Mateo 27:11

Te Jesuse ikꞌot bael ta stojol te gobiernoe. Jich jojkꞌobot: —¿Me jaꞌat te reyat yuꞌun te juriyoetike? —xchi. La yal te Jesuse: —Jaꞌat te jich ya awale —xyut.

San Lucas 19:38

y ya yalik: —Ben me tsaꞌam slekil te rey te talemix ta stojol te Kajwaltike. Butsꞌanix kꞌinal ta chꞌulchan, y ben me tsaꞌam slekil te Chꞌul Dios te ay ta chꞌulchane —xchiik ta kꞌop.

San Lucas 2:11

Tsꞌin to nax a ayin te ba slumal jDavid te jkoltawane awuꞌunike, jaꞌ te Kajwaltik Cristoe.

San Lucas 23:3

Te jPilatoe la sjojkꞌobe: —¿Me jaꞌat te reyat yuꞌun te juriyoetike? —xchi. La sjakꞌ te Jesuse: —Jaꞌat te jich ya awale —xchi.

San Lucas 23:38

Sok ay pakꞌbil jun letrero chꞌujteb ta sjol krus te tsꞌibabil ta griego-kꞌop sok ta latin-kꞌop sok ta hebreo-kꞌop: “Jaꞌto, jaꞌ te rey yuꞌun te juriyoetike”, xchi te letreroe.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 12:13

Jich a sbojtalanik tal skꞌab palmera-teꞌ y lokꞌ staik te Jesuse. Xꞌawlajanik ta yalel: —¡Ben tsaꞌam te machꞌa talemix ta stojol te Kajwaltike! ¡Ben tsaꞌam slekil! ¡Ben tsaꞌam slekil te Rey yuꞌun te Israele! —xchiik.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 19:19

Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

San Juan 20:28

La yal te jTomase: —¡Kajwal kuꞌun! ¡Dios kuꞌun! —xchi.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Juan 9:38

Jich te winike la skejan sba ta sit te Jesuse y la yalbe: —Ya jchꞌuun, Kajwal —xchi.

Hebreos 1:6

Pero te kꞌalal la yakꞌ ta ilel ta balmilal te sba nichꞌane, la yal: “A me skejan sbaik ta skuenta spisil te angeletik yuꞌun Dios”, xchi me.

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.