San Mateo 2:13 - Nuevo Testamento Tzeltal de Amatenango

¹³ Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

Bible in Tzeltal Bachajón

¹³ Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

Bible in Tzeltal de Oxchuc y Tenejapa

¹³ Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 2:13 ပူးပေါင်းရင်းမြစ်များ

Hechos 12:11

Te jPedroe kꞌo snop kꞌinal, y la yal: “Ta ora to la jnaꞌix te batsꞌi jich te jaꞌ a stikon tal chꞌul ángel yuꞌun te Kajwaltike. Yuꞌun tal skoltayon ta skꞌab te jHerodese, sok te tut snopoj ya spasbikon te juriyoetike”, xchi.

Hechos 10:7

Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe.

Hechos 5:19

Pero jtul chꞌul ángel yuꞌun te Kajwaltike ta ajkꞌubal a tal sjeꞌ te puerta yuꞌun prexoe, y la yiktalan lokꞌel, y la yaltalanbe:

San Mateo 2:12

Te kꞌalal laj sujtik bael ta slumalike maꞌ kꞌaxikix a te ba ay te Herodese, yuꞌun albot ta xwayuchik yuꞌun te Diose te makꞌ xkꞌaxikix teꞌae. Jich yan beix a laj sujtik bael a.

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

San Mateo 2:16

Kꞌalal la snaꞌ te Herodese te loꞌlayot yuꞌun te pꞌijil winketike, ma jtebuk a ilin yuꞌun. La yal mantal te ya xba milek spisil te chꞌin kermetike te chebcheb jabil yaꞌbilalike sok te ma to xlokꞌ cheb jaꞌbil yaꞌbilalike te ayik ta Belen sok ta sjoylejal. Jaꞌ a snaꞌik te tut ora albot yuꞌun te pꞌijil winketike.

Apocalipsis 12:14

Pero te antse aꞌbot cheb smamki xikꞌ te xike, yuꞌun ya spas xwil bael a te ba ay sluwar ta jojchol tꞌantꞌan kꞌinal te ya xjakalej bael te ba ay te chane. Teꞌ ya xmakꞌlintesot a te ya xjalaj oxeb jaꞌbil sok olile.

Hechos 16:36

Te jkanan-prexoe la yalbe te jPabloe: —Te alkaletike la yaꞌbonix mantal te ya jkolesex baele. Jaꞌ yuꞌun, junuk awoꞌtanik xbaex —xchi.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 7:19

Te rey to lijk sloꞌlay te jtsꞌumbaltike y la yilbajin te antibo jmeꞌ-jtatike. La spastalan obligar te ya xchꞌojtalanik lokꞌel ta snaik te yuntikilik te ya xlaj ayine yuꞌun te ya xlaj cham a.

San Mateo 10:23

Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

Apocalipsis 12:6

Te antse lokꞌ bael ta anel kꞌalal ta jojchol tꞌantꞌan luwar, te ba ay jun luwar chapal yuꞌun te Diose. Yuꞌun teꞌ ba smakꞌlin a te ya xjalaj mil dosiento sesenta kꞌaal.

Apocalipsis 12:4

Sok te snee la smes xejtꞌ ta yoxxejtꞌel te ekꞌetik ta chꞌulchan y la xchꞌoj koel ta sba balmilal. Te mukꞌul chane la stejkꞌan sba ta stojol te ants te ya xpajtix yoꞌtan ae, yuꞌun ya stiꞌbey ta ora te kꞌalal ya xꞌayin te xchꞌin yale.

San Mateo 2:22

Te kꞌalal la yaꞌiy te Josee te jaꞌ gobiernoix a te Arquelaoe te jil ta sjelol te state te Herodes sbiile, xiꞌ yuꞌun te ya xbajt teꞌae. Sok te tuti albot xan ta xwayuch yuꞌun Dios, jicha bajt ta estado yuꞌun Galilea.

San Mateo 2:14

Jich a jajch te Josee, la yikꞌ bael te alale sok te smeꞌe. Ta ajkꞌubal a beenik bael ta Egipto.

Hechos 12:7

Ora nax a chiknaj tul chꞌul ángel yuꞌun te Kajwaltike, y te yutil prexoe noj ta xojobil. Te chꞌul ángele la slowbe skostiya te jPedroe, y la yalbe: —Jajchan ta ora —xyut. Mismo ora a te kadenaetik te ay ta skꞌab te jPedro xpojlajan koel.