San Mateo 2:12 - Nuevo Testamento Tzeltal de Amatenango

¹² Te kꞌalal laj sujtik bael ta slumalike maꞌ kꞌaxikix a te ba ay te Herodese, yuꞌun albot ta xwayuchik yuꞌun te Diose te makꞌ xkꞌaxikix teꞌae. Jich yan beix a laj sujtik bael a.

Bible in Tzeltal Bachajón

¹² Pero a'bot sna'ic ta swayichic te manchuc ya suhtic ta stojol Herodes. Ha yu'un yanix be a te banti suhtic bahel ta slumalique.

Bible in Tzeltal de Oxchuc y Tenejapa

¹² Soc te c'alal sujt'ic bael ta slumalique, ma ba c'axic tey a ta ba ay te Herodese, yu'un albot yaiyic ta swaichic yu'un Dios te ma ba ya xc'axiquix tey a. Jich yan be la st'unic bael.

San Mateo 2:12 ပူးပေါင်းရင်းမြစ်များ

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

San Mateo 2:13

Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

San Mateo 2:19

Te kꞌalal chamix a te Herodese, ay jtul chꞌul ángel yuꞌun te Kajwaltike la yil ta xwayuch te Josee te kꞌalal ay to ta Egipto ae. Jich a yalbe:

San Mateo 2:22

Te kꞌalal la yaꞌiy te Josee te jaꞌ gobiernoix a te Arquelaoe te jil ta sjelol te state te Herodes sbiile, xiꞌ yuꞌun te ya xbajt teꞌae. Sok te tuti albot xan ta xwayuch yuꞌun Dios, jicha bajt ta estado yuꞌun Galilea.

San Mateo 27:19

Te tutꞌil nakal te ba smeltsaꞌanwan te jPilatoe, te yiname la stikonbe tal mantal: “Ma me achꞌik aba a te winik me to te maꞌyuk smule. Yuꞌun te ajkꞌubeye ben tulan a wayuchejon yuꞌun”, xchi te skꞌope.

San Lucas 2:26

Aꞌbot snaꞌbe sluwar yuꞌun te ma to xcham a te ya yilbe sit te Cristo te ya xtikonot tal yuꞌun te Kajwaltike.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 4:19

Pero te jPedro sok te Juane la sjakꞌtalanbe: —Nopaik ta lek awaꞌiy te jaꞌexe: ¿me jaꞌ lek ya jchꞌuuntik te tut ya awalike, o jaꞌ lek ta stojol Dios ya jchꞌuuntik te tut yal te Diose?

Hechos 5:29

Te jPedroe y sok te yan xan apostoletike la sjakꞌik: —Puersa jaꞌ ya jchꞌuunbetik smantal te Diose; ma jaꞌuk ya jchuunbetik smantal te winketike.

1 Corintios 3:19

Yuꞌun te pꞌijilil skuenta balmilale, puru jowil nax kꞌoem yuꞌun te Diose. Jich tutꞌil tsꞌibabil jilel te jich ya yale: “Te machꞌatik pꞌijike, jaꞌ me strampa ya xkꞌot te spꞌijilike —xchi me.

Hebreos 11:7

Ta skuenta xchꞌuunel yoꞌtan, te jNoee la yakꞌ ta jkuenta te tut albot yuꞌun Dios kꞌalal la yaꞌbe snaꞌ te tut ya xkꞌot ta pasel te ma to chikanuke. La xchꞌuun y la spas barko yuꞌun ya xkol a sok te yuntikile. Y ta skuenta te xchꞌuunel yoꞌtane, te jNoee la yakꞌ ta ilel smul te gente ta balmilale. Y la sta te kolel te tutꞌil lek a ilot yuꞌun te xchꞌuunel yoꞌtane.

Hebreos 8:5

Pero te saserdoteetik to, jaꞌ nax yaꞌtelinejik ta skuenta te tutik slokꞌol nax y skeawil nax te tutik ay ta chꞌulchane. Y jnaꞌojtik te slokꞌol naxe, porke te kꞌalal kꞌan stejkꞌan naul pakꞌ templo te Moisese, Dios a albot yuꞌun: “Aꞌiya lek awaꞌiy ya apas spisil, chikan te tut yilel te la kakꞌ awil ta witse”, te xchie.