San Mateo 10:41 - Nuevo Testamento Tzeltal de Amatenango

⁴¹ Te machꞌa ya yikꞌ ta sna jtul jꞌalwanej skaj te jaꞌ jꞌalwanej yuꞌun te Diose, pajal me smajtan ya yichꞌ sok te jꞌalwaneje. Sok te machꞌa ya yikꞌ ta sna te machꞌa lek ta winikile, pajal me smajtan ya yichꞌ sok te machꞌa lek ta winikile.

Bible in Tzeltal Bachajón

⁴¹ Te mach'a ya yic' jtuhl jalwanej ta scuenta bin ut'il jalwanej, ya me yich' mahtanil te ha smahtan jalwanej; soc te mach'a ya yic' te mach'a toj yo'tan ta scuenta bin ut'il toj yo'tan, ya me yich' mahtanil te ha smahtan mach'a toj yo'tane.

Bible in Tzeltal de Oxchuc y Tenejapa

⁴¹ Te mach'a ya yic' ta sna jtul j'alwanej scaj te ticunbil yu'un te Diose, pajal me ya yich' smajt'an soc te j'alwaneje. Soc te mach'a ya yic' ta sna te mach'a toj yo'tane, pajal me ya yich' smajt'an soc te mach'a toj yo'tane.

San Mateo 10:41 ပူးပေါင်းရင်းမြစ်များ

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 25:44

“Jich me ya xlijk sjojkꞌoyik: “¿Ba kiltikat te ayat ta wiꞌnal, sok te ayat ta takin-tiꞌile, sok te xoyetate, sok te maꞌyuk akꞌuꞌ-apakꞌe, sok te ayat ta chamele, sok te ayat ta prexoe te maꞌ jkoltaytikate?” ya me yutik.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Mateo 6:1

“Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

San Mateo 6:18

Jich ma chikanuk ya yil a te genteetike te akomoj aweꞌele. Jaꞌ nax ya snaꞌ stukel te jTatik te soyinejexe. Jaꞌ me ya yaꞌbeyex amajtanik yuꞌun.

San Mateo 6:4

Mukul nax me xꞌawakꞌik. Y te jTatik ya yil te tutꞌil mukul nax ya apasike, ya me yaꞌbeyex amajtanik.

San Mateo 6:6

Yan te kꞌalal ya akꞌoponik te Dios te jaꞌexe, ochan ta yut na, tsꞌusa te puertae. Teꞌ xꞌakꞌoponik a te jTatike te soyinejex stukele. Jich te jTatike ya yil te tutꞌil mukul nax ya apasike ya me yaꞌbeyex amajtanik.

San Mateo 7:8

Porke te machꞌa ay tut ya skꞌanbe te Diose, jich ya xꞌaꞌbot yuꞌun, sok te machꞌa ya sle te tut ya skꞌane, jich me ya sta ta leel, sok te machꞌa ya xkꞌopoj ta tiꞌpuertae, jich me ya xjeꞌbot.

Hechos 16:15

Jicha aꞌbot yichꞌ jaꞌ sok spisil te machꞌa ay yuꞌun te snae. Ta patil la skꞌanbe pawor: —Teme la anaꞌikix te batsꞌi jun koꞌtan jchꞌuunej te Kajwaltike, laꞌ me, olananik liꞌ ba jnae —xchi. Y puersa a yalbotik te teꞌ ya xꞌanotik ae.

Romanos 16:23

Sok xkoltanukex laj yuꞌun te jGayoe te liꞌ ayon ta smajanel te snae, jaꞌ te liꞌ ba ya stsob sbaik ta spisil te hermanoetike. Sok xkoltanukex laj yuꞌun euk te jꞌErastoe te ja tesorero yuꞌun te jtejklume sok euk te kermanotik Cuartoe.

1 Corintios 9:17

Jaꞌ yuꞌun, teme jaꞌ nax ya jpas te tut ya skꞌan koꞌtane, ya xjuꞌ ya jkꞌan jtojol a te jichuke. Pero te tutꞌil albilon mantal te jich ya skꞌan jpase, junuk me koꞌtan ya jpas te tut ya yalbon te Diose.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

2 Juan 1:8

Ila me abaik te jaꞌexe yuꞌun ma me jowiluk ya xchꞌay te awꞌatelike, sino ke jaꞌ te tsꞌakal ya awichꞌik te amajtanike.