San Mateo 10:3 - Nuevo Testamento Tzeltal de Amatenango

³ sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

Bible in Tzeltal Bachajón

³ Felipe, Bartolomé, Tomás, Mateo te jc'an-patan, Jacobo snich'an Alfeo, Lebeo, te Tadeo yan sbihile,

Bible in Tzeltal de Oxchuc y Tenejapa

³ soc Felipe, Bartolomé, Tomás, Mateo te jc'an-patane, soc Jacobo te snich'an Alfeoe, soc Lebeo te Tadeo yan sbiile,

San Mateo 10:3 ပူးပေါင်းရင်းမြစ်များ

San Mateo 18:17

Teme ma skꞌan a yaꞌibe sluwar skꞌopik euk te jtul-chebe, albeya yaꞌiy spisil te hermanoetike. Teme ma skꞌan a yaꞌibe sluwar skꞌopik euk te hermanoetike, jich me aꞌ kꞌotuk awuꞌunik te tutꞌil machꞌa ma xchꞌuunejuk te Diose, sok jich tutꞌil te jkꞌan-tojemale.

San Mateo 27:56

Teꞌ ayik sok a te xMaria Magdalena, sok te xMaria te smeꞌ Jacobo sok Jose, sok euk te smeꞌ te yuntikil Zebedeoe.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

San Marcos 15:40

Ay antsetik te jakal nax ya yilike. Teꞌa ekꞌa te xMaria Magdalenae sok xMaria te smeꞌ te ijtsꞌinal Jacobe sok te Josee, sok xan te Salomee.

San Marcos 2:14

Te kꞌalal yipal ta beel te Jesuse, la yil te Levie, xnichꞌan te Alfeoe, te nakal ba ay xkꞌambot stojemal tutik yuꞌun Roma. Jesus la yalbe: —Laꞌ tsꞌakliyaon —la yut. Jajch te Levie, la stsꞌakli bael.

San Marcos 3:18

Sok la stꞌuj te Andres, sok te Felipe, sok Bartolome, sok Mateo, sok Tomas, sok Jacobo te xnichꞌan Alfeoe, sok Tadeo, sok Simon te ay ta skuenta te jkananistaetike,

San Lucas 18:10

—Ay cheb winketik ba skꞌoponik Dios ta templo. Te jtule fariseo, y te jtul xane jkꞌan-tojemal.

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

San Lucas 18:13

“Pero te jkꞌan-tojemale jakal tekꞌel jilel stukel. La snijan sba ta stojol Dios. Ma skꞌan a xjach moel sit stukel. La smajulan stiꞌ yoꞌtan ta ajtal oꞌtan, y jich a yal: “Dios kuꞌun, pasbon perdon te jmulawilon ta atojole”, xchi.

San Lucas 19:2

Ay jtul winik teꞌa te Zaqueo sbiil te ben jkꞌuleje. Jaꞌ statal yuꞌun te jkꞌan-tojemaletik te teꞌeyik ae.

San Lucas 5:27

Ta patil te Jesuse lokꞌ bael. La yil jtul jkꞌan-tojemal te jLevi sbiile nakal te ba ya xtojot stojemal te tutike. Te Jesuse la yalbe: —Laꞌ tsꞌakliyaon —xyut.

San Juan 1:48

Te jNatanaele la sjojkꞌobe: —¿Tuꞌun tutꞌil la anaꞌbon jba? —xchi. Te Jesuse la yalbe: —La kilatix a te ma to ya yikat tal te Felipee te kꞌalal ayat ta yanil te ikuxe —xchi.

San Juan 11:16

Jich te jTomas, te “Loꞌalal” xꞌalbote, la yalbe te yan xan jnopojeletike: —Konikik euk. Koꞌn chamukotik sok —xchi.

San Juan 14:22

Te Judas, (te ma jaꞌuk te Iscariotee) la sjojkꞌobe: —Kajwal, ¿Tuꞌun te ya awakꞌ aba ta ilel ta jtojoltike? ¿Tuꞌun ma jaꞌuk ya awakꞌ aba ta ilel yuꞌun te genteetik ta balmilale? —xchi.

San Juan 14:5

Te jTomase la yalbe te Jesuse: —Kajwal, ma jnaꞌtik te ba ya xbaate. ¿Tutꞌil kꞌan jnaꞌtik te bee? —xchi.

San Juan 14:9

Te Jesuse la sjakꞌbe: —Felipe, bayalix kꞌaal te joyinejexe. ¿Ma to ya anaꞌbikon jba? Te machꞌa la yilonixe, yilojix euk te jTate. ¿Tuꞌun te ya akꞌan ya kakꞌ awil te jTate?

San Juan 21:2

Stsoboj sbaik a te Simon Pedroe sok te jTomas, te Loꞌalal xꞌalbote, sok te jNatanael te talem ta jtejklum Cana te ay ta slum Galileae, sok te xnichꞌnab Zebedeoe, sok xan te cheb jnopojeletik yuꞌun te Jesuse.

Hechos 1:13

Te kꞌalal laj kꞌot te ba jtejklume, moik bael ta xchaꞌkajal na te baꞌ olanemike. Jaꞌ te jPedro, sok te Juane, te Jacoboe, te jꞌAndrese, sok te Filipee, te jTomase, te jBartolomee, te jMateoe, sok te Jacobo te jaꞌ xnichꞌan Alfeoe, sok te Simon te ay ta skuenta te jkananistae, sok te Judas te yijtsꞌin Jacoboe.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 15:13

Te kꞌalal lajix yoꞌtanik ta kꞌop ae, te Jacoboe la yal: —Kermanotak, aꞌiyaik awaꞌiy te tut ya kalbeyexe.

Hechos 21:18

Ta xchebal kꞌaal la joyintik bael te jPabloe, yuꞌun ba yulutay tal te Jacobo, y teꞌeyik spisil a te ansianoetike.

Gálatas 1:19

Pero maꞌyuk a jta ta ilel te yanetik apostoletike, jaꞌ nax te Jacobo te yijtsꞌin te Kajwaltike.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.