San Mateo 10:2 - Nuevo Testamento Tzeltal de Amatenango

² Jaꞌ sbiilik te lajchaytul jpuk-kꞌopetike: Te machꞌa naile jaꞌ te Simon te jPedro a kꞌot sbiile, sok te yijtsꞌine te jꞌAndres sbiile, sok te Jacobo sok te yijtsꞌin te Juan sbiile te xnichꞌnab Zebedeoe,

Bible in Tzeltal Bachajón

² Hich ay te sbihilic te lahchaytuhl jpuc-c'opetique: Ha primero te Simón, te Pedro yan sbihil, soc Andrés te yihts'ine; Jacobo te snich'an Zebedeo, soc Juan te yihts'ine;

Bible in Tzeltal de Oxchuc y Tenejapa

² Te sbiilic te lajchaytul jpuc-c'opetique jich ay: Te mach'a sbabiale, ja' te Simón te Pedro yan sbiile, soc te yijts'ine te Andrés sbiile, soc Jacobo soc te yijts'ine te Juan sbiile te snich'nab te Zebedeoe,

San Mateo 10:2 ပူးပေါင်းရင်းမြစ်များ

San Mateo 17:1

Wakeꞌ kꞌaal ta patil a te Jesuse la yikꞌ bael te jPedro, te Jacoboe sok te yijtsꞌine, jaꞌ te Juane. Parte ikꞌtalanot bael yuꞌun te Jesuse ta jun mukꞌul wits te ben toyole.

San Mateo 20:20

Te smeꞌ te yuntikil Zebedeoe tijilaj tal ta stojol te Jesuse. Soyinej tal te cheb yuntikile. Te antse la skejan sba ta sit te Jesuse yuꞌun ay tut ya skꞌanbey.

San Mateo 26:37

La yikꞌ xan bael te jPedroe sok te cheb yuntikil te Zebedeoe. Lijk ta ajtal-oꞌtan y lijk ta wokol te Jesuse.

San Mateo 4:18

Yipal bael ta beel a te Jesuse ta tiꞌtiꞌmar yuꞌun Galilea, la yil cheb winketik te jun smeꞌ statike. Simon sbiil te jtule y Andres sbiil te yitsꞌine. Jaꞌ yaꞌtelik te tsak-chaye, sok yipalik ta xchꞌojel ochel te stsajkil-xchayik te ba jaꞌe.

San Mateo 4:21

Been xan bael chꞌinuk te Jesuse te la yil xan cheb winketik te jun nax smeꞌ-statike, jaꞌ te Jacobo sok Juan te xnichꞌnab Zebedeoe. Teꞌ ayik ta barko asok te statike. Yipalik ta stsꞌaktalanel te stsajkil-xchayike. La yikꞌ te Jesuse.

San Marcos 1:29

Te kꞌalal lokꞌik bael ta chꞌulna, te Jesuse bajt sok te Jacobo sok te Juane ta sna Simon y Andres.

San Marcos 13:3

Yo moik bael ta Wits Olivailtik. Kꞌo snajkan sba te Jesuse ta yelaw te temploe. Te Pedro sok Jacobo sok Juan sok Andres tal skꞌoponik ta stukelik nax.

San Marcos 6:30

Ta patil te puk-kꞌopetike la stsob sbaik sok te Jesuse y la yalbe spꞌejel te tut la spasike sok te tut la yakꞌik ta nopele.

San Lucas 11:49

“Jaꞌ yuꞌun te Dios, te ay spꞌijil yoꞌtan stukele, la yal: “Ya jtikombeyex jꞌalwanejetik sok jpuk-kꞌopetik. Ay ya amilik sok ay ya awilbajinik”, xchi me.

San Lucas 22:14

Kꞌalal la sta yorail te weꞌele, te Jesuse sok te apostoletike nakajtik kꞌoel ta weꞌel ta mexa.

San Lucas 22:8

Te Jesuse la stikon bael te jPedroe sok te Juane. La yalbe: —Baanik, ban chapaik te weꞌelil yuꞌun te kꞌin Pascuae —xchi.

San Lucas 5:10

Jich ekꞌa te Jacobe sok te Juane te xnichꞌnab Zebedeoe te sjoy sbaik ta aꞌtel sok te Simone. Pero te Jesuse la yalbe te Simone: —Ma me xiꞌan. Te ora to jaꞌ awaꞌtelik ya xkꞌot te ya awikꞌ tal te genteetike —xchi.

San Lucas 9:10

Te kꞌalal sujtik tal te apostoletike, jul yalbeyik te Jesuse te tuti spasike. Te Jesuse parte yikꞌtalan bael ta jochol luwar te tijil ay sok te jtejklum Betsaidae.

San Juan 12:22

Te Felipe ba yalbe te jꞌAndrese, y chebalik ba yalbeyik te Jesuse.

San Juan 13:23

Ay jtul te jnopojeletike te bayal skꞌanoj ta yoꞌtan te Jesuse te lotol ta weꞌel soke,

San Juan 20:2

Jich xyalet kaꞌel te ba ay te Simon Pedroe sok te jtul xan jnopojele te machꞌa ben kꞌux a yaꞌi sba sok te Jesuse, y la yaltalanbe: —La yichꞌbeyikix lokꞌel stiꞌbalul te ba mukul te Kajwaltike, y ma jnaꞌtik ba la yakꞌik —xchi kꞌoel.

San Juan 21:2

Stsoboj sbaik a te Simon Pedroe sok te jTomas, te Loꞌalal xꞌalbote, sok te jNatanael te talem ta jtejklum Cana te ay ta slum Galileae, sok te xnichꞌnab Zebedeoe, sok xan te cheb jnopojeletik yuꞌun te Jesuse.

San Juan 21:20

Te jPedroe sujt skꞌelu la yil te tsakal tal ta spat te jnopojel te machꞌa ben kꞌux a yaꞌi sba sok te Jesuse. Jaꞌ mismo te lotol ta weꞌel a te ay tuti sjojkꞌobeye: “Kajwal, machꞌa a te ya yakꞌat entregale”, te xchi aye.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

San Juan 6:67

Te Jesuse la sjojkꞌolambe te lajchaytul jnopojeletike: —¿Me ya xbaex euk te jaꞌexe? —xchi.

San Juan 6:70

Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

San Juan 6:71

Te tutꞌil jich a yal te Jesuse, jaꞌ a yalbe skꞌoplal te Judas te xnichꞌan Simon Iscariotee. Porke te Judase jaꞌ ya xꞌakꞌawan entregal, manchuk me jaꞌ jtuluk te ta xlajchaytulule.

San Juan 6:8

Jich te jꞌAndrese, te jaꞌ ekꞌa te jnopojel yuꞌune te jaꞌ yijtsꞌin te Simon Pedroe, la yalbe:

Hechos 1:13

Te kꞌalal laj kꞌot te ba jtejklume, moik bael ta xchaꞌkajal na te baꞌ olanemike. Jaꞌ te jPedro, sok te Juane, te Jacoboe, te jꞌAndrese, sok te Filipee, te jTomase, te jBartolomee, te jMateoe, sok te Jacobo te jaꞌ xnichꞌan Alfeoe, sok te Simon te ay ta skuenta te jkananistae, sok te Judas te yijtsꞌin Jacoboe.

Hechos 1:26

Jich a yilik te machꞌa suerte te ya xkꞌote y jaꞌa kꞌot ta skuenta te jMatiase. Mismo tiempo a la sjoyin sba sok te buluchtul apostoletike.

Hechos 12:2

La yakꞌ mantal ta milel ta puñal te Jacoboe sbankil te Juane,

Hechos 3:1

Ay jun kꞌaal te jPedroe sok te Juane laj bajt ta templo las tres mal kꞌaal a, jaꞌ yorail a te skꞌoponel Diose.

1 Corintios 15:7

Ta patil la yakꞌ sba ta ilel yuꞌun te Jacoboe, y te nax a la yakꞌ sba ta ilel yuꞌun spisil te apostoletike.

Efesios 4:11

Y stukel mismo la yakꞌ te majtaniletik te ay apostoletike y machꞌatik ya yalik te skꞌop Diose, y yan ya yalbe skꞌoplal te kolele y ay yan pastoretik y maestroetik.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

2 Juan 1:1

Joꞌon te ansianoone, ya jtsꞌibay te karta to ta stojol te ants te tsabil yuꞌun te Diose, y sok te machꞌatik ayik ta skuentae. Batsꞌi kꞌuxex ta koꞌtan. Y ma joꞌukon nax, sino ke jich kꞌuxex ta yoꞌtanik euk ta spisil te machꞌatik te snaꞌojikix te tut batsꞌi jiche.

3 Juan 1:1

Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 22:8

Joꞌon Juanon la kil y la kaꞌiy te tutik to. Y ta patil te la kiltalan y te la kaꞌilane, la jkejan jba ta yok te ángele te la yaꞌbon kile yuꞌun ya kichꞌ ta muk.