San Mateo 10:1 - Nuevo Testamento Tzeltal de Amatenango

¹ Te Jesuse la yikꞌ tal te lajchaytul jnopojeltik yuꞌune. La yakꞌtalanbe yichꞌ yaꞌtelik ta slokꞌesel pukujetik sok ta slekutesel spisil tutikuk nax chamelil sok te tutik kꞌux ta aꞌiyele.

Bible in Tzeltal Bachajón

¹ Te Jesús la yic'ticlan tal te lahchaytuhl (12) jnopojeletic yu'un, la yac'ticlambe ya'tel ta sloq'uesel pucujetic soc ta slahmajtesel spisil chameletic soc spisil te ban c'uxic.

Bible in Tzeltal de Oxchuc y Tenejapa

¹ Jich te Jesús la yic' tel te lajchaytul jnopojeletic yu'une. La yac'bey yich' yat'elic ta sloq'uesel pucujetic soc ta slamantesel spisil biluc nax chameliluc soc te bila ay xc'uxule.

San Mateo 10:1 ပူးပေါင်းရင်းမြစ်များ

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 26:20

Te kꞌalal ochix a te ajkubale, te Jesuse la snajkan sba ta weꞌel ta mexa sok te lajchaytul jnopojeletik yuꞌune.

San Mateo 26:47

Yipal to ta kꞌop a te Jesuse, tal te Judase, te jtul ta xlajchaytulul te jnopojeletik yuꞌun te Jesuse. Sjoyinej tal bayal genteetik te chapajtik sok spuñalik sok steꞌik. Jaꞌ tikonlanbil tal yuꞌun te statal-saserdoteetik sok te moletik yuꞌun te juriyoetike.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

San Mateo 9:35

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

San Mateo 9:38

Jaꞌ yuꞌun kꞌanbeyaik te yajwal kꞌajoje aꞌ stikon ta aꞌtel te jkꞌajojetike —xchi te Jesuse.

San Lucas 10:19

Joꞌon kakꞌojbeyex apoderik te ya xjuꞌ xbeenex ta sba te chanetike sok te tseketike, sok yuꞌun ya xjuꞌ awuꞌunik stsalel spisil yip te akontraike. Jich maꞌyuk tut ya xjuꞌ yuꞌun spasbeyex.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Lucas 6:13

Kꞌalal sakubix a te kꞌinale la yikꞌtalan tal te jnopojeletik yuꞌune. La stsa lajchaytul, sok la yaꞌbe yaꞌtel ta jpuk-kꞌopetik.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 3:27

Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

San Juan 6:70

Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 19:15

Pero te kꞌalal jich a yalbeyike, te pukuje jakꞌtalanbot yuꞌun: —Ya jnaꞌbe sba te Jesuse, y ya jnaꞌbe sba euk te jPabloe. Pero te jaꞌexe ¿machꞌaex a? —xꞌutalanot.

Apocalipsis 12:1

Chiknaj ta chꞌulchan jun mukꞌul señail: jaꞌ te jtul ants pixbil ta kꞌajkꞌal jachik tutꞌil jun kꞌuꞌul-pakꞌal. Te yoke stekꞌtajibinej te ue, y te ba sjole yichꞌoj jun korona sok lajchayeb ekꞌetik.