San Marcos 9:5 - Nuevo Testamento Tzeltal de Amatenango

⁵ Te Pedro la yalbe tsꞌin te Jesuse: —Maestro, ben snix kaꞌiytik te liꞌ ayotike. Ya me jpastik oxwol yax-na, jun awuꞌun, jun yuꞌun Moises y jun yuꞌun Elias —xchi.

Bible in Tzeltal Bachajón

⁵ Ha yu'un te Pedro la yalbe te Jesús: Rabí, ¡lec te li' ayotique! Ya jpascotic oxeb yaxna, jun awu'un, jun yu'un Moisés soc jun yu'un Elías, xchi.

Bible in Tzeltal de Oxchuc y Tenejapa

⁵ Jich te Pedroe la yalbey te Jesuse: —Maestro, ¡bin nax yutsil te li' ayotic to! Ja' lec ya jpastic oxwol nailwamal. Jun awu'un te ja'ate, jun yu'un te Moisese, soc jun yu'un uuc te Eliase —xi'.

San Marcos 9:5 ပူးပေါင်းရင်းမြစ်များ

San Mateo 17:4

Te jPedroe la yalbe te Jesuse: —Kajwal, ben tsaꞌam te liꞌ ayotike. Tem ya akꞌane, ya jpastik oxwol yaxna, jun awuꞌun te jaꞌate jun yuꞌun te jMoisese sok jun yuꞌun te jꞌEliase —xchi.

San Mateo 23:7

Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.

San Mateo 23:8

“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone.

San Marcos 9:4

Y la yilik Elias sok Moises te yipalik ta aꞌabiyej sok te Jesuse.

San Marcos 9:6

Te Pedroe ma snaꞌ tut ya yal, yuꞌun ben ayik ta xiꞌel sok te jnopojeletike.

San Lucas 9:33

Te kꞌalal la spit sbaik bael te cheb winketike, te jPedroe la yal: —Maestro, ben tsaꞌam te liꞌ ayotike. Ya jpastik oxwol yaxna: jun awuꞌun, jun yuꞌun te jMoisese, sok jun yuꞌun te jꞌEliase —xchi te jPedroe. Yuꞌun te jPedro maꞌ snaꞌ tut ya yal.

San Juan 4:31

Mientras baem tal ta jtejlum a te antse, te jnopojeletike la yalbeyik te Jesuse: —Maestro, ¿me makꞌ xweꞌat chꞌinuk? —xyutik.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.