San Marcos 9:44 - Nuevo Testamento Tzeltal de Amatenango

⁴⁴ te ba ma xcham sjaul te machꞌatik ya sle smulike, sok te ba kꞌajkꞌ nunka xtupꞌ sbajtel kꞌinal.

Bible in Tzeltal Bachajón

⁴⁴ ta banti ma xcham shahulic soc mayuc bin ora ya xtup' te sc'ahc'ale.

Bible in Tzeltal de Oxchuc y Tenejapa

⁴⁴ ta banti ma xcham syaljaul te mach'atic la sle smulique, soc ta bay ma xtup' sbajt'el q'uinal te c'ajq'ue.]

San Marcos 9:44 ပူးပေါင်းရင်းမြစ်များ

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Mateo 3:12

Te machꞌa xtale yichꞌoj spala teꞌ ta skꞌab yuꞌun ya sajpꞌubey lokꞌel skꞌapalel te triwue. Patil ya me skꞌej ochel ta yawil te striwue. Yan te skꞌapalele ya me xchikꞌ ta kꞌakꞌ te ma xtupꞌ sbajtel kꞌinale —xchi te Juane.

San Marcos 9:43

Teme akꞌab ya yakꞌat ta mulile, boja lokꞌel. Jaꞌ mas lek te mokol akꞌab te ya xkꞌo ata te akuxlejale. Jaꞌ mas ma lekuk teme xchebal akꞌab te ya xbaat sok ta kꞌajkꞌ te ma xtupꞌ sbajtel kꞌinale,

San Marcos 9:45

O teme jaꞌ awok te ya yakꞌat ta mulile, setꞌa lokꞌel. Jaꞌ mas lek te chꞌix nax awok ya xkꞌo ata te akuxlejale. Jaꞌ mas ma lekuk teme xchebal awok te ya xbaat sok ta kꞌajkꞌ sbajtel kꞌinale

San Marcos 9:48

te ba ma xcham te sjaule sok ma xtupꞌ te kꞌajkꞌe.

2 Tesalonicenses 1:9

Jaꞌ me kastigo ya yichꞌik te lajel sbajtel kꞌinale. Y ya me yichꞌik chꞌojel lokꞌel ta jakal ta sit te Kajwaltike sok te ba ay te slekilal sok te podere.

Apocalipsis 14:10

ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.