San Marcos 9:41 - Nuevo Testamento Tzeltal de Amatenango

⁴¹ Machꞌauk a te ya yaꞌbeyex junuk baso jaꞌ te ayex ta jkuenta te Cristoone, jamal ya kalbeyex ay me smajtꞌan ya yichꞌ —xchi.

Bible in Tzeltal Bachajón

⁴¹ Mach'ayuc a te ya ya'beyex awuch'ic jun vaso ha' ta scuenta jbihil, te bin ut'il ha yu'unex Cristo, jamal ya calbeyex te ma ba ya xch'ay te smahtane.

Bible in Tzeltal de Oxchuc y Tenejapa

⁴¹ Te mach'a ya yac'beyex awuch'ic junuc vaso ja' ta swenta bit'il yu'unex te Cristoe, jamal ya calbeyex, ma xch'ay te yutsilal ya yich' yu'une —xi'.

San Marcos 9:41 ပူးပေါင်းရင်းမြစ်များ

San Mateo 10:42

Sok te machꞌa ya yaꞌbey junuk tasa sikil jaꞌ te machꞌatik chꞌin yakꞌoj sbaik skaj te jnopojel kuꞌune, jamal ya kalbeyex, ay me smajtan ya yichꞌ —xchi te Jesuse.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Marcos 4:10

Kꞌalal xchꞌul tukel a jil te Jesuse, te machꞌatik tijil ay soke y sok te lajchaytul jnopojeletik lijk sjojkꞌobeyik tutꞌil ay sluwaril te seña-kꞌop te la yale.

Romanos 14:15

Pero teme ta skaj te aweꞌel te ya yakꞌ yajtal yoꞌtan te awermanoe, yuꞌun maꞌyuk slekil awoꞌtan te tutꞌ ayate. Ma me ta skajuk te aweꞌele te chꞌayel ya xbajt te yane, te jaꞌ a cham Cristo yuꞌune.

Romanos 8:9

Pero te jaꞌexe ma me jichuk ya xkuxuyinex ta skuenta te tutꞌil ma tsaꞌamuk ya skꞌan te atiꞌbalulike. Jaꞌ ya xkuxuyinexix ta skuenta te Espiritue, teme batsꞌi jich te ay ta atojolik te Espíritu yuꞌun te Diose. Te machꞌa ma yikꞌojuk te Espíritu yuꞌun te Cristoe, ma jaꞌuk yuꞌun te Cristoe abi.

1 Corintios 15:23

Pero chikan tutꞌil ya xkꞌot ta skuenta juju-tul: Jaꞌ nail te Cristoe, ta patil te kꞌalal ya sujt tal te Cristoe ya xchaꞌkux te machꞌatik yuꞌune.

1 Corintios 3:23

Y te jaꞌexe ayex ta skuenta Cristo. Y te Cristoe ay ta skuenta Dios.

2 Corintios 10:7

Te jaꞌexe jaꞌ nax ayex ta yilel te tut chikan ta ilel ya awilike. Teme ay machꞌa ya yal “Jaꞌ yuꞌunon te Cristoe”, teme xchie, ya skꞌan ya snaꞌ te jich yuꞌunotik euk te Cristoe.

Gálatas 3:29

Y teme yuꞌunexix te Cristoe, jich stsꞌumbalexix te jꞌAbrahame. Y ya awichꞌik te tutik sjapoj Dios te jich ya spase.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.