San Marcos 9:4 - Nuevo Testamento Tzeltal de Amatenango

⁴ Y la yilik Elias sok Moises te yipalik ta aꞌabiyej sok te Jesuse.

Bible in Tzeltal Bachajón

⁴ Soc chicnaj te Elías soc Moisés, yacalic ta c'op soc te Jesús.

Bible in Tzeltal de Oxchuc y Tenejapa

⁴ Soc chicnaj tey a te Elías soc te Moisese. Yacalic ta c'op soc te Jesuse.

San Marcos 9:4 ပူးပေါင်းရင်းမြစ်များ

San Mateo 11:13

Spisil te jꞌalwanejetik yuꞌun te Diose sok te mantaliletik yuꞌun te jMoises la yalik te tutꞌil ya xtal te machꞌa ya xmantalaje, jaꞌ to kꞌalal tal te Juane.

San Marcos 9:3

Te skꞌuꞌ spakꞌe xlemet a sut, ben sak a kꞌot jich tutꞌil maꞌyuk machꞌa jich ta balmilal te ya xjuꞌ yuꞌun sakꞌutesele.

San Marcos 9:5

Te Pedro la yalbe tsꞌin te Jesuse: —Maestro, ben snix kaꞌiytik te liꞌ ayotike. Ya me jpastik oxwol yax-na, jun awuꞌun, jun yuꞌun Moises y jun yuꞌun Elias —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 9:19

La sjakꞌik: —Ay ya yalik te jaꞌat Juanat te Akꞌichꞌjaꞌe. Te yane ya yalik te jaꞌat Eliasate. Sok ay yan ya yalik te jaꞌat jtul te antibo jꞌalwanejat yuꞌun Dios te chaꞌkuxem tale —xchiik.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.