San Marcos 9:23 - Nuevo Testamento Tzeltal de Amatenango

²³ La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

Bible in Tzeltal Bachajón

²³ Jesús la yalbe: ¿Bin yac awal teme ya xhu' cu'une? Te mach'a ay sch'uhunel yo'tan spisil ya xhu' yu'un, xchi.

Bible in Tzeltal de Oxchuc y Tenejapa

²³ Te Jesús la yalbey: —¿Bi yu'un ma xju' cu'un ta ac'op? Spisil ya xju' ta pasel te mach'a jich xch'uunej te yo'tane —xi'.

San Marcos 9:23 ပူးပေါင်းရင်းမြစ်များ

San Mateo 14:29

—Laꞌ —xchi te Jesuse. Jich a ko bael ta barko te jPedroe, lijk bael ta beel ta baba mar stojliyej bael te Jesuse.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Marcos 11:23

Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

San Marcos 9:22

Benoix a chꞌojot ochel ta kꞌajkꞌ yuꞌun te pukuje sok ta jaꞌ, yuꞌun skꞌan smil. Jaꞌ yuꞌun, teme ya xjuꞌ awuꞌune, naꞌbotik yoꞌolil jbajtik y koltayaon sok —xchi.

San Marcos 9:24

Te stat te kereme awun ta kꞌop: —Ya jchꞌuun. Koltayaon ta xchꞌuunel ta mas —xchi.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Juan 11:40

Te Jesuse la sjakꞌbe: —¿Meꞌn maꞌ kalbeyat teme ya xchꞌuun awoꞌtane ya me awilbe slekil te Diose? —xchi.

Hechos 14:9

Te winik to teꞌ nakal ta yaꞌiyel a te tut yipal ta yalel te jPabloe. Te jPabloe la skꞌelube sit, y la yil te ay bayal xchꞌuunel yoꞌtan te ya xlekube.

Hebreos 11:6

Pero ma lekuk ya xꞌilot yuꞌun Dios te machꞌa maꞌyuk xchꞌuunel yoꞌtane. Porke te tutꞌil ya xtijilajotik ta stojol te Diose, ya skꞌan te ya jchꞌuuntik te ay te Diose, sok te ya yaꞌbe smajtan te machꞌatik ya sleik te Diose.