San Marcos 9:20 - Nuevo Testamento Tzeltal de Amatenango

²⁰ Jich a yikꞌik tal te ba ay te Jesuse. Te pukuj la yil ta ora te Jesuse. La stupꞌesbe yikꞌ te kereme. Balchꞌo koel ta lum, xbalawet nax yuꞌun, y lijk lokꞌuk yaꞌlel stiꞌ.

Bible in Tzeltal Bachajón

²⁰ Hich la yiq'uic tal ta stojol, soc te espíritu c'alal la yil te Jesús, tulan la syuq'uilan te quereme, xbahlawet c'ohel ta lum soc yac ta buhl ya'lel ye.

Bible in Tzeltal de Oxchuc y Tenejapa

²⁰ Jich la yic'beyic tel ta stojol. Jich te pucuj la yil te Jesuse. Jich la sjimulay ta ora te quereme. Jich t'uxaj ta lum. Xbalalet nax yu'un, soc bulan ya'lel sti'.

San Marcos 9:20 ပူးပေါင်းရင်းမြစ်များ

San Marcos 1:26

Te pukuje la yakꞌ tupꞌuk yikꞌ te winike, sok tulan a awun lokꞌ bael te pukuje.

San Marcos 9:18

Bayuk nax ya xꞌilbajinot yuꞌun te pukuje. Ya xbalchꞌunot ta lum yuꞌun, ya xbulan yaꞌlel stiꞌ, ya xkꞌuxuxan ye y ya xteꞌub jilel te stiꞌbalule. La kalbeyix te jnopojeletik awuꞌune te yauk slokꞌesbikon ta yoꞌtan te pukuje, pe ma juꞌ yuꞌunik slokꞌesel —xchi te mamale.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Marcos 9:21

Te Jesuse la sjokꞌobe tsꞌin te state: —¿Sjayebalix jabil lijk te tut aye? —xchi. La yal te state: —Ta yalalil to a.

San Marcos 9:26

Awun te pukuje, y la stupꞌesbe jilel yikꞌ te kereme. Jich lokꞌ bael y la sjiles komo jchamel te kereme. Ay bayalik te la yalik te chamixe.

San Lucas 4:35

Te Jesuse la skom ta kꞌop te pukuje, jich a yalbe: —¡Chꞌenan! ¡Lokꞌan tal te ba yoꞌtan te winike! xyut. Te winike chꞌojot ta lum yuꞌun te pukuje te ba yolil te genteetike, jicha lokꞌ ta yoꞌtan te winike. Maꞌyuk a ejchenaj jilel.

San Lucas 8:29

Jich a yal te winike, yuꞌun pasotix ta mantal yuꞌun Jesus te pukuje te ya xlokꞌ ta yoꞌtan te winike. Bayalix buelta te aꞌbot yip yuꞌun te pukuje. Ay achukbotix ta kadena te yok-skꞌab yuꞌun te genteetike yuꞌun jich chukul ya skanantayik, pero ya xtuchꞌ yuꞌun te kadenae. Sok ya sitꞌesot lokꞌel yuꞌun pukuj te winike, ya xbajt te ba jochol te luware.

San Lucas 9:39

Yuꞌun ya stsakot yuꞌun te pukuje, ya xꞌakꞌot awunuk, sok xmetmun xlijk ta lum, sok ya xbulan yaꞌlel stiꞌ. Ben ilba xꞌilot, y ma skolesot yuꞌun.

San Lucas 9:42

Kꞌalal tijilaj tal te kereme, chꞌojot ta lum yuꞌun te pukuje y xmetmun lijkel. Pero te Jesuse la skom te pukuje, y la slekutes te kereme, y la yaꞌbe ta skꞌab te state.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.