San Marcos 9:18 - Nuevo Testamento Tzeltal de Amatenango

¹⁸ Bayuk nax ya xꞌilbajinot yuꞌun te pukuje. Ya xbalchꞌunot ta lum yuꞌun, ya xbulan yaꞌlel stiꞌ, ya xkꞌuxuxan ye y ya xteꞌub jilel te stiꞌbalule. La kalbeyix te jnopojeletik awuꞌune te yauk slokꞌesbikon ta yoꞌtan te pukuje, pe ma juꞌ yuꞌunik slokꞌesel —xchi te mamale.

Bible in Tzeltal Bachajón

¹⁸ Bayuc ay a ya x'uts'inot yu'un, ya xch'ojot ta lum yu'un; ya xbuhlan ye, ya sc'uxticlan ye soc ya ste'an sba. La jc'ambeyix te jnopojeletic awu'un te yacuc sloq'uesbonic, pero ma ba hu' yu'unic, xchi.

Bible in Tzeltal de Oxchuc y Tenejapa

¹⁸ Bayuc nax ya x'uts'inot yu'un, ya xt'uxanot ta lum yu'un, soc ya xbulan ya'lel sti' soc ya sjets'ulay ye. Tey ya xteub scojt'ol a te sbaq'uetale. La calbeyix te jnopojeletic awu'une te yacuc sloq'uesbon ta yo'tan, ja'uc me to, ma ju' yu'unic —xi' te winique.

San Marcos 9:18 ပူးပေါင်းရင်းမြစ်များ

San Mateo 15:22

Ay jtul cananea-ants teꞌey sna a, tulan a kꞌopoj ta skꞌanel pawor: —Kajwal, stsꞌumbalat jDavid, kꞌuxtayaon sok te kachꞌixe, yuꞌun ay pukuj ta yoꞌtan. Ben xꞌilbajinot yuꞌun —xchi.

San Mateo 17:16

La kikꞌix tal ta stojol te jnopojeletik awuꞌune, pero ma lekub yuꞌunik —xchi.

San Mateo 8:12

Pero te machꞌatik skꞌoplal ya xꞌochik te ba ay ta mantal te Diose, jaꞌ me ya yichꞌik chꞌojel bael ta ijkꞌal kꞌinal. Teꞌ me ya xkꞌo yokꞌetay sbaik a, sok teꞌ me ya xkꞌo skꞌuxilan yeꞌik a —xchi te Jesuse.

San Marcos 11:23

Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

San Marcos 9:17

Te jtule la yal: —Maestro, la kikꞌ tal ta akuenta te jnichꞌane yuꞌun ay pukuj ta yoꞌtan te ma xkꞌopoj yuꞌune.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Marcos 9:20

Jich a yikꞌik tal te ba ay te Jesuse. Te pukuj la yil ta ora te Jesuse. La stupꞌesbe yikꞌ te kereme. Balchꞌo koel ta lum, xbalawet nax yuꞌun, y lijk lokꞌuk yaꞌlel stiꞌ.

San Marcos 9:26

Awun te pukuje, y la stupꞌesbe jilel yikꞌ te kereme. Jich lokꞌ bael y la sjiles komo jchamel te kereme. Ay bayalik te la yalik te chamixe.

Hechos 7:54

Kꞌalal la yaꞌiyik te tuti yal te jꞌEstebane, lijk slaꞌ-yoꞌtanik yuꞌun, y la xkꞌuxuxan yeik ta skontrainel te jꞌEstebane.

Judas 1:13

Pajal sok yaꞌlel mar, te xwilawet ya xtal te kapal sok sbul te ya xchꞌojot tal lokꞌele. Pajal sok ekꞌetik te chꞌayem te ba ya xbajte y ya xchꞌayik bael ta jmel nax te ba ay ta mas to ijk te kꞌinale.