San Marcos 9:12 - Nuevo Testamento Tzeltal de Amatenango

¹² La sjakꞌ tsꞌin te Jesuse: —Jich te jaꞌ nail ya xtal te Eliase, yuꞌun stukel ya xchap spisil. Y tsꞌibabil jilel skꞌoplal ta Sjun Dios te Nichꞌanile te ya xkꞌax bayal swokol y ma xkꞌanote.

Bible in Tzeltal Bachajón

¹² La sjac' te Jesús: Melel nix a te ha nahil ya xtal te Elías soc ya scha'pasticlan xan spisil. Pero ¿ma bal hichuc ya yal te bin ts'ihbabil te bin ut'il te Nich'anil ay ta scuenta winic ya xc'ax bayel swocol soc ya xp'ajot?

Bible in Tzeltal de Oxchuc y Tenejapa

¹² La yal te Jesuse: —Melel nix a te neel ya xtal te Eliase. Soc te melel ya xchajban spisile. Soc jich ts'ibubilix jilel sc'oplal ta Sjun Dios te Nich'anile te bit'il ya xc'ax bayal swocol soc te ma'yuc sc'oplal ya xc'ot ta o'tanile.

San Marcos 9:12 ပူးပေါင်းရင်းမြစ်များ

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

San Mateo 26:24

Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

San Marcos 10:33

Jich a yal to: —Aꞌiya awaꞌiyik sluwaril, yipalotikix ta moel bael ta Jerusalen. Pero te Nichꞌanile teꞌ me ya xꞌakꞌot ta skꞌab te statal-saserdoteetik sok te maestroetik yuꞌun te mantaliletike. Sok ya me xchapbot skꞌoplal ta milel, sok ya me xꞌakꞌot ta skꞌab te yanlumetike.

San Marcos 9:13

Pero ya kalbeyex, xtalukix te Eliase, y la spasbeyik te tut a te la skꞌan yoꞌtanike, jich te tutꞌil tsꞌibabil jilel skꞌoplal ta Sjun Dios —xchi te Jesuse.

San Marcos 9:31

yuꞌun yipal ta spꞌijutesel a te jnopojeletik yuꞌune. La yalbe: —Te Nichꞌanile, ya me yakꞌik ta skꞌab winketik, y ya me smilik. Pero ta yoxebal kꞌaal ya me xchaꞌkux tal —xchi te Jesuse.

San Lucas 1:76

I te jaꞌate, jchꞌin-nichꞌan, jꞌalwanej ya xkꞌoat yuꞌun te Chꞌul Dios te ay ta chꞌulchane. Ya me xnalajat bael ta xchapbeyel sbe te Kajwaltike.

San Lucas 23:11

Jich te jHerodese sok te soltaroetik yuꞌune la stseꞌlayik y la spꞌajik te Jesuse. Yuꞌun ya stseꞌlayik a te Jesuse, la slapbeyik kꞌuꞌul-pakꞌal te ben tsaꞌam ta ilel, jich tutꞌil te reye. Te nax a te jHerodese la stikon sujtel ta stojol te jPilatoe.

San Lucas 23:39

Jtul te jmulawil te bayal tut ma tsaꞌamuk spasoje, te pajal jipil sok ta krus te Jesuse, la yikꞌtin euk. Jich a yal: —Teme jaꞌat te Cristoate, kolesa aba atukel y kolesaotik euk —xyut.

Hechos 1:6

Ta machꞌatik stsoboj sbaik sok te Jesuse la sjojkꞌobeyik: —Kajwal, ¿me yorailix te ya awakꞌ mantalejukotik liꞌ ba jlumaltik israele? —xyutik.

Hechos 4:11

Jaꞌ to jaꞌ te Jesus “te ton te pꞌajbil yuꞌun te jꞌalbañiletike, pero jaꞌ sujtemix ta yipajib xchikin na”, te xchi skꞌoplale.