San Marcos 8:34 - Nuevo Testamento Tzeltal de Amatenango

³⁴ Te tsꞌin abi te Jesuse la yikꞌ tal te gentee y sok euk te jnopojeletike. Jich a yalbe: —Teme ay jtuluk machꞌa ya skꞌan xꞌoch ta jnopojel kuꞌune, a me skoltay sba ta yoꞌtan, a me skuch skrus, y a me stsakliyon.

Bible in Tzeltal Bachajón

³⁴ Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.

Bible in Tzeltal de Oxchuc y Tenejapa

³⁴ Te Jesús la yic' tel te tsobol ants-winiquetic soc uuc te jnopojeletic yu'une. Jich la yalbey yaiyic: —Teme ay mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch cruz. Ac'a st'unon.

San Marcos 8:34 ပူးပေါင်းရင်းမြစ်များ

San Mateo 10:38

Sok te machꞌa ma skꞌan ya skuch skrus kꞌoem te ya stsꞌakliyone, ma spas te kuꞌun ya xkꞌote.

San Mateo 16:24

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

San Mateo 27:32

Ya to nax xlokꞌik bael a te ba tiꞌil jtejklume, la staik jtul winik te Simon sbiil te Cirene sbiil te slumale. Sujot yuꞌun te soltaroetike yuꞌun ya xkuchbe bael skrus te Jesuse.

San Marcos 10:21

Te Jesuse la yilbey sit sok xpich ta yoꞌtan, y la yalbe: —Ay to jkaj xan te tut skꞌan ya apase. Baan, chona spꞌejel te tutik ay awuꞌune y akꞌtalanbeya te meꞌbaetike. Jich me ay akꞌulejal ta chꞌulchan ya xkꞌoat a. Yoꞌtik laꞌ me, tsꞌakliyaon tal —xchi.

San Marcos 7:14

Te Jesuse la yikꞌ tal ta skuenta te genteetike, jich a yalbe: —Aꞌiyaikon apꞌejelik sok a kꞌotuk ta awoꞌtanik te tut ya kalbeyexe:

San Lucas 13:24

—Akꞌaik puersa te ya xꞌochex bael te ba puerta te yub nax. Ya me kalbeyex: Ay me bayal machꞌatik yoꞌtanuk ya skꞌan xꞌochik teꞌa, pero ma xjuꞌ yuꞌunik.

San Lucas 14:33

Jaꞌ yuꞌun machꞌauk a te jaꞌexe teme ma xꞌajiles ta awoꞌtanik spisil te tut ay awuꞌunike, ma spas te jnopojel kuꞌun ya xkꞌote.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

San Lucas 20:45

Spisil te genteetike yipalik ta yaꞌiyel sluwaril. Te Jesuse la yalbe te jnopojeletik yuꞌune:

San Lucas 9:23

Ta patil la yaltalanbe spisilik: —Teme ay machꞌa ya skꞌan xꞌoch ta jnopojel kuꞌune, aꞌ me skoltay sba ta yoꞌtan, aꞌ xkuch skrus jujun kꞌaal kꞌoem, y aꞌ stsꞌakliyon.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 19:17

Te Jesuse xkuchoj lokꞌel te skruse. Bajt te ba ay te Bakeljolol sbiil te luware, te Gólgota sbiil ta hebreo-kꞌope.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Romanos 8:17

Y te tutꞌil yal-xnichꞌanotikix te Diose, jich ayix jpartetik te jmajtantik te Dios yaloj jilel te ya yaꞌbotike. Pajal ya kichꞌtik sok Cristo, teme jich ya xkꞌax jwokoltik soke, yuꞌun ta patil jun ayotik sok ta lekilal.

1 Corintios 15:31

Porke, kermanotak, sil tiempo ayon ta peligro yuꞌun milel. Batsꞌil lom jich te tut ya kalbeyexe te lom jun koꞌtan ya kaꞌiy ta akuentaik te tutꞌil achꞌuunejik te Kajwaltik Jesucristoe.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

1 Corintios 9:19

Aunke maꞌyuk machꞌa smosoinejon, pero kakꞌoj jba ta mosoil yuꞌun spisil, yuꞌun jich me ya jpas ganar bayal ta jtul te ya xchꞌuunik Cristo ta jkuentae.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

Filipenses 3:7

Pero ta spisil to te bayal skꞌoplal ta koꞌtan ta nail to, te ora to ta skuenta te Cristoe ni maꞌyukix skꞌoplal kuꞌun.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

2 Tesalonicenses 3:11

Pero ay kaꞌiyejtikix te ay machꞌaex a te ma skꞌan ya xꞌaꞌtejexe, te maꞌyuk tut ya apasik, sok te maꞌyuk awochel awilel aye.

Tito 2:12

Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Hebreos 13:13

Konik euk sok te Jesuse ta stiꞌil te jtejklume, y kꞌaxuk jwokoltik jich mismo te ma akꞌot ta jkuenta sok te kꞌax swokol stukele.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

2 Pedro 1:14

Te Kajwaltik Jesucristoe la yaꞌbonix jnaꞌ te ya jilesix te jkuxlejal ta balmilale.

1 Juan 3:16

Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.