San Marcos 8:2 - Nuevo Testamento Tzeltal de Amatenango

² —Ya jnaꞌbe yoꞌolil sbaik i gente to, yuꞌun ayix yoxebal kꞌaal te sjoyinejonik liꞌto y maꞌyukix tut ya sweꞌik.

Bible in Tzeltal Bachajón

² Ya jna'be yo'bolil sba te ants-winiquetic como yoxebalix c'ahc'al a te sjoquinejonic soc mayuc bin ya swe'ic.

Bible in Tzeltal de Oxchuc y Tenejapa

² —Ya jna'bey yo'bolil sbaic in ants-winiquetic to, yu'un yoxebalix c'aal te sjoinejonic li'to, soc ma'yuc te swe'elique.

San Marcos 8:2 ပူးပေါင်းရင်းမြစ်များ

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

San Mateo 20:34

Te Jesuse la snaꞌbe yoꞌolil sbaik. La spikbe te sitike. Ora jam te sitike, y la stsꞌakliyik bael te Jesuse.

San Mateo 9:36

Te Jesuse, kꞌalal la yil te genteetike, la snaꞌbe yoꞌolil sbaik, yuꞌun jich kꞌoemik a yil te tutꞌil karneraetik te maꞌyuk jkanantawanej yuꞌunike sok te oꞌolsbaik te juju-kojt ayike.

San Marcos 1:41

Te Jesuse la snaꞌbe yoꞌolil sba. La spik ta skꞌab, sok la yalbe: —Ya nix jkꞌan a. ¡Kolan ta chamel! —la yut.

San Marcos 5:19

Te Jesus ma skꞌan a yikꞌ bael. Jich a yalbe: —Baan ta ana. Ban albeya yaꞌiyik te machꞌatik jilem awuꞌune spisil te tutꞌil la spasbeyat te Awajwale, y sok te la skꞌuxutayate —xyut.

San Marcos 6:32

Jich tsꞌin te Jesuse sok te puk-kꞌopetik yuꞌune bajtik ta jun barko ta yan luwar te parte aye.

San Marcos 6:34

Kꞌalal koik tal ta barko te Jesuse la yil te ayix bayal te genteetik teꞌa. La xpich yoꞌtanin ta spꞌejelik, yuꞌun jachik tutꞌil te karneraetik te maꞌyuk machꞌa xkanantayot yuꞌune. Y lijk ta spꞌijuteslanel. Bayal tutik a yaꞌbe snop jilel.

San Marcos 8:3

Pero teme ya jtikon bael y maꞌyuk tut sweꞌojik ya xbajtik ta snaike, ya me xboya kꞌinal yaꞌiyik ta be, porke ay machꞌatik te jakal talemike —xchi.

San Marcos 9:22

Benoix a chꞌojot ochel ta kꞌajkꞌ yuꞌun te pukuje sok ta jaꞌ, yuꞌun skꞌan smil. Jaꞌ yuꞌun, teme ya xjuꞌ awuꞌune, naꞌbotik yoꞌolil jbajtik y koltayaon sok —xchi.

San Lucas 15:20

Jicha lijk bael ta beel, sujt bael ta sna te state. Te kꞌalal jakal to ay kꞌal ae, ilot yuꞌun te state. Lom xpichꞌ yoꞌtan a yil. Animal a ba sta tal ta be, la spet y la yujtsꞌi.

San Lucas 7:13

La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 4:15

Yuꞌun te mukꞌul saserdote kuꞌuntike ya xjuꞌ te ya snaꞌbotik yoꞌolil jbajtik te maꞌyuk kiptike, porke jich a kꞌax yuꞌun prewa euk jich tutꞌil te joꞌotike. Pero te stukele maꞌyuk a mulaw.

Hebreos 5:2

Te saserdote ya xjuꞌ ya xkꞌuxutay te machꞌatik ma snaꞌik kꞌinal y sok te machꞌatik chꞌayemike, yuꞌun pajal maꞌyuk yip yoꞌtan sok.