San Marcos 8:12 - Nuevo Testamento Tzeltal de Amatenango

¹² Te Jesuse la sjikꞌ yoꞌtan yuꞌun sok jich a yal: —¿Tuꞌun te ya skꞌan yilik jun seña i genteetik to? Jamal ya kal te maꞌyuk ni junuk seña ya xꞌaꞌbot yilik —xchi te Jesuse.

Bible in Tzeltal Bachajón

¹² Te Jesús la sjac' yo'tan yu'un, hich la yal: ¿Bin yu'un ya sc'an ya yilic seña te jcaj ts'umbalil ini? Jamal ya calbeyex, mayuc seña ya x'a'bot yilic te jcaj ts'umbalil ini, xchi.

Bible in Tzeltal de Oxchuc y Tenejapa

¹² Te Jesús la sjic' yo'tan yu'un. Jich la yal: —¿Bi yu'un te ants-winiquetic to te ya sc'an ya x'ac'bot yilic señae? Jamal ya cal te ma'yuc seña ya x'ac'bot yilic te mach'atic cuxulic ta q'uinal ta ora to —xi' te Jesuse.

San Marcos 8:12 ပူးပေါင်းရင်းမြစ်များ

San Mateo 12:38

Ay fariseoetik sok maestroetik yuꞌun te mantaliletike la yalbeyik te Jesuse: —Maestro ya jkꞌantik te yauk awaꞌbotik kiltik seña milagro —xchiik.

San Mateo 16:4

Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Marcos 6:6

Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

San Marcos 7:34

Yo la skꞌeluy ta chꞌulchan te Jesuse sok la sjikꞌ yoꞌtan. Jich a yal: —Efata —xchi. Jaꞌ bi, “Jamuk”, xchi kꞌoem.

San Marcos 8:13

Jich la sjiles. Och xan bael ta barko y bajt ta jech mar.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Lucas 19:41

Te kꞌalal nopol ayikix bael ta Jerusalen ae, te Jesuse la yil te jtejklume. La yokꞌetay.