San Marcos 8:11 - Nuevo Testamento Tzeltal de Amatenango

¹¹ Talik te fariseoetik lijk sapu sbaik ta kꞌop sok te Jesuse. Lijk skꞌanbeyik junuk seña milagro ya yakꞌ ta ilel te talem ta chꞌulchane, yuꞌun ya yilbeyik yoꞌtan a.

Bible in Tzeltal Bachajón

¹¹ Ay fariseohetic tal stijic ta c'op te Jesús, la sc'an yilic seña ta ch'ulchan, yu'un c'an stsajic a.

Bible in Tzeltal de Oxchuc y Tenejapa

¹¹ Ay talic fariseoetic yu'un ya stsalic ta c'op te Jesuse. Jich la sc'anbeyic te ya yac' ta ilel seña yu'el ta ch'ulchan, yu'un c'an yilbeyic yo'tan.

San Marcos 8:11 ပူးပေါင်းရင်းမြစ်များ

San Mateo 12:38

Ay fariseoetik sok maestroetik yuꞌun te mantaliletike la yalbeyik te Jesuse: —Maestro ya jkꞌantik te yauk awaꞌbotik kiltik seña milagro —xchiik.

San Mateo 19:3

Ay fariseoetik tijilaj tal ta stojol te Jesuse yuꞌun ya yilbe yoꞌtan. La sjojkꞌobeyik: —¿Me ya spas te ya xchꞌoj sba sok yinam te winike te maꞌyuk slijkibe? —xchiik.

San Mateo 21:23

Och bael ta templo te Jesuse. Yipal ta pꞌijuteswanej a, tal ta kꞌoponel yuꞌun te statal-saserdoteetike sok te moletik yuꞌun te jtejklume. La sjojkꞌobeyik: —¿Tuti awaꞌtel awichꞌoj ta spasel spisil to? ¿Machꞌa yaꞌbeyat awaꞌtel? —xchiik.

San Mateo 22:15

Ta patil te fariseoetike ba snop skꞌopik te tut ya yut ya xkꞌax skꞌop te Jesuse yuꞌun jich me ya stabeyik smul a.

San Mateo 22:18

Te Jesuse la snaꞌ te tutꞌil ma tsaꞌamuk te yoꞌtanike. Jich a yaltalanbe: —Ma lekuk te awoꞌtanike. ¿Tut yuꞌun te ya awilbikon koꞌtane?

San Mateo 22:23

Mismo kꞌaal a ay chaꞌoxtul saduseoetik tal skꞌoponik te Jesuse. Te saduseoetike kꞌoem ta yoꞌtanik te makꞌ chaꞌkux tal te animaetike. Jich a sojkꞌobeyik sluwaril tsꞌin kꞌop to:

San Marcos 12:15

Te Jesuse la snaꞌbe sluwar te maꞌ lekuk yoꞌtanike. Jich a yalbe: —¿Tut yuꞌun te ya awilbikon koꞌtane? Ichꞌbikon tal kil sejpuk denario-takꞌin —xchi.

San Marcos 2:16

Te maestroetik yuꞌun te mantaliletike te ayik ta skuenta te fariseoetike la yilik te yipal ta weꞌel sok te jkꞌan-tojemaletike y sok te jmulawiletike te Jesuse. La sjokꞌobey te jnopojeletike: —¿Tutꞌil ay te maestro awuꞌunike te ya sjoyin ta weꞌel te jkꞌan-tojemaletike sok te jmulawiletike? —xchiik.

San Marcos 9:16

Te Jesuse la sjojkꞌobe: —¿Tut a te ya awalbe abaik soke? —xchi.

San Lucas 10:25

Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

San Lucas 11:16

Sok ay yan lijk skꞌambeyik seña smilagro ta chꞌulchan te Jesuse yuꞌun ya yilbeyik yoꞌtan.

San Juan 4:48

Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

San Juan 6:30

Jich a sjojkꞌobeyik: —¿Tut señail ya awaꞌbotik kiltik yuꞌun teme la kiltike ya me jchꞌuuntikat? ¿Tutik a te awaꞌtele?

San Juan 7:48

¿Me yuꞌun ay machꞌa xchꞌuunix te statal kuꞌuntike o xchꞌuunejik te fariseoetike?

San Juan 8:6

Te tutꞌil jich a yalbeyike yuꞌun ya yilbeyik yoꞌtan, yuꞌun jich ya slebeyik smul a. Pero te Jesuse la snijan sba koel, y lijk stsꞌiba ta lum sok yal skꞌab.

Hechos 5:9

Te jPedroe la yalbe: —¿Tuꞌun te jich la anopik te ya awilbeyik yoꞌtan te Chꞌul Espíritu yuꞌun te Kajwaltike? Teꞌ talix a te machꞌatik xkꞌoj smukik jilel te amamlale, y te ora to ya me yikꞌelat bael euk —xyut.

1 Corintios 10:9

So ma me wakꞌ kilbetik yoꞌtan te Kajwaltike jich tutꞌ stukelik te la yilbeyik yoꞌtane. Jich a chamik te tiꞌel ta chan.