San Marcos 7:4 - Nuevo Testamento Tzeltal de Amatenango

⁴ Jaꞌ nax jich te kꞌalal ya sujtik tal ta merkadoe, makꞌ xweꞌik teme ma nailuk ya spokik te skꞌabike. Ay yuꞌunik yanetik skostumbreik, jich tutꞌil ay ta sapel basoetik, xaruetik, takꞌin pꞌinetik sok wayibaletik.

Bible in Tzeltal Bachajón

⁴ Soc te c'alal ya suhtic tal ta mercado, ma xwe'ic ha to teme la spoc sc'abic. Ay to bayel xan te bintic sch'uhunejic spasel, hich te bin ut'il spoquel vasohetic, q'uibetic soc te bintic ya xtuhun te pasticlambil ta cobre.)

Bible in Tzeltal de Oxchuc y Tenejapa

⁴ Ja' nanix jich te c'alal ya sujt'ic tel ta ch'iwiche, ma xwe'ic teme ma xch'uunic spasel te bila albil sc'oplal te ya spoc sc'abique. Ay yantic costumbreetic te ya xch'uunic spasele, jich bit'il ay ta sapel yu'unic te vasoetic, jarroetic, vasija-taq'uinetic, soc wayibaletic.)

San Marcos 7:4 ပူးပေါင်းရင်းမြစ်များ

San Mateo 23:25

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe jaꞌ nax ya apokbeyik te spat te posiyoetike sok te platoetike, pero te yutile teꞌ nojel a te elekꞌe sok te sbikꞌtal awoꞌtanike.

San Mateo 23:26

Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Marcos 7:8

Jich te jaꞌexe jilix awuꞌunik te smantal te Diose. Jaꞌ baem awoꞌtanik ta spasel te tutꞌil kostumbreetik yuꞌun te genteetike, jaꞌ te tutꞌil ay skꞌoplal ta sapel awuꞌunik xaruetik sok basoetik sok te tutꞌil xan bayal skꞌoplal ta pasel awuꞌunike —xchi te Jesuse.

San Juan 2:6

Ay wakeb tenchaetik tey a pasbil ta ton yuꞌun yawil yaꞌal, yuꞌun ya xtuun yuꞌun te juriyoetike te ya spokilan skꞌabik te ya sakutes sba ta skꞌopik ae. Te juju-pꞌej tenchae ay wan cheb o oxeb kꞌib sbaal.

San Juan 3:25

Pero ay jnopojeletik yuꞌun te Juane lijk kꞌop yuꞌunik sok te jtul juriyo te tutꞌil ay skꞌoplal te chꞌulutesele.

Hebreos 9:10

Skuenta nax xkuxlejalik ta balmilal te tut ya spasike, jich tutꞌil te tut ya sweꞌike, sok te ya yuchꞌike, y te tutik ya spok skꞌabik te skuenta nax slekuteselike. Yuꞌun jaꞌ nax tulan ay skꞌoplal ta pasel jaꞌ to te Dios ya sjelontes te tutꞌil aye.

Santiago 4:8

Tijilajanik ta stojol Dios, y ya me xtijilaj tal ta atojolik. Sakutesa te akꞌabike, jmulawiletik. Lekutesa te awoꞌtanike, jaꞌex te lom xchebet awoꞌtanike.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.