San Marcos 7:27 - Nuevo Testamento Tzeltal de Amatenango

²⁷ Te Jesuse la yalbe: —A weꞌuk nail te untike, porke ma spas teme ya jpojbeytik yot te untike te ya kaꞌbeytik sweꞌ te tsꞌiꞌetike —xchi te Jesuse.

Bible in Tzeltal Bachajón

²⁷ Pero halbot yu'un te Jesús: Ha nahil ac'a nojuc sch'uht te al-nich'aniletic, como ma xpas te ya yich' pojbeyel te pan yu'un te al-nich'aniletic yu'un ya yich' a'beyel te bic'tal ts'i'etique, xchi.

Bible in Tzeltal de Oxchuc y Tenejapa

²⁷ Te Jesús la yalbey: —Neel ac'a we'uc te alnich'anetique, melel ma spas teme ya jpojbeytic swaj te alnich'anetic te ya cac'beytic swe'ic te alal ts'i'etique —xi' te Jesuse.

San Marcos 7:27 ပူးပေါင်းရင်းမြစ်များ

San Mateo 10:5

Te Jesuse la stikon bael te lajchaytulike sok la spas bael ta mantal: —Ma me baanik te ba ay te ma israeluke, sok ma me ochanik te ba jtejklumetik yuꞌun te samariaetike.

San Mateo 7:6

“Ma me xꞌawaꞌbe yixlan genteetik te tutik ben tsaꞌam yuꞌun te Diose. Porke ay me pajal yoꞌtanik tut tsꞌiꞌetik te ya xeꞌtalan ta weꞌel te tut ya xꞌaꞌbote sok ya xjuꞌ somex ta tiꞌel euk. Jich te tutik yuꞌun te Diose pajal sok perlaetik te ben tsaꞌam ta ilele. Jaꞌ yuꞌun maꞌyuk machꞌa ya yakꞌ ta ixtalanel ta tekꞌulanel yuꞌun chitametik te perlaetike.

San Marcos 7:26

Ma juriouk te antse, jaꞌ slumal Sirofenicia. Tal skꞌanbe te Jesus te yauk slokꞌesbe te pukuj te ay ta yoꞌtan te yantsil-ale.

San Marcos 7:28

La sjakꞌ te antse: —Jich a nix a Kajwal. Pero te tsꞌiꞌetik te ay ta yanil mexae ya me sweꞌbe te stsꞌubil yot ya xchꞌay koel yuꞌun te untike —xchi.

Hechos 22:21

Pero te Kajwaltike la yalbon: “Baan me, porke joꞌon ya jtikonat bael ta jakal ta yanetik nasion”, la yuton —xchi te jPabloe.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Efesios 2:12

Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.