San Marcos 6:6 - Nuevo Testamento Tzeltal de Amatenango

⁶ Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

Bible in Tzeltal Bachajón

⁶ Xcham yo'tan yu'un te mayuc sch'uhunel yo'tanique. La sbehentay te tut pueblohetic ta sjoyobal, yac ta p'ijubteswanej.

Bible in Tzeltal de Oxchuc y Tenejapa

⁶ Te Jesús bayal ayan yo'tan yu'un te bit'il ma la xch'uunique. Soc la yocliy bael te ch'in lumetic te nopol ayique, soc la yaiy p'ijubteswanej tey a.

San Marcos 6:6 ပူးပေါင်းရင်းမြစ်များ

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Mateo 8:10

Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

San Mateo 9:35

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

San Marcos 1:39

Jich te Jesuse been ta spꞌejel estado yuꞌun Galilea. La yal te skꞌop Dios ta sinagogaetik ta jujun jtejklum, sok la slokꞌeslan pukujetik ta yoꞌtan te genteetike.

San Marcos 10:1

Te Jesuse lokꞌ bael te ta Capernaume y bajt ta estado yuꞌun Judea sok ta lum te ba ya xlokꞌ tal kꞌajkꞌal ta jechjaꞌ Jordan. Te stsob sba xan tal a te genteetike. Te Jesuse lijk nojpeswanuk xan jachik tutꞌil ya spasulan ae.

San Lucas 13:22

Te kꞌalal yipal kꞌael ta beel ta Jerusalen te Jesuse, yipal kꞌael ta pꞌijuteswanej te ba jtejklumetike sok ba kolonyaetike.

San Lucas 4:31

Te Jesuse koj bael ta jtejklum Capernaum te ay ta estado Galileae. Ta skaalel kuxo-oꞌtan la spꞌijuteslan te genteetike.

San Lucas 4:44

Jicha lijk yal bael te Jesus te lek achꞌ kꞌop ta sinagogailtik te ay ta spꞌejel estado Galileae.

San Juan 9:30

Pero te winik la sjakꞌtalanbe: —Lom yan ya kaꞌi te ya awalik te ma xꞌanaꞌik ba taleme. Yan te joꞌone la sjambonix jsit.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.