San Marcos 6:41 - Nuevo Testamento Tzeltal de Amatenango

⁴¹ Te Jesuse la stsak te joꞌpejch waj sok te chaꞌkojt chaye y la skꞌelu moel ta chꞌulchane, la yalbe kola yal Dios yuꞌun. La xeꞌtalan te waje, la yakꞌtalanbe te jnopojeletik yuꞌune yuꞌun ya spukbe te genteetike. Sok la yakꞌ ta pukel euk te chaꞌkojt chaye.

Bible in Tzeltal Bachajón

⁴¹ Te Jesús la stsac te ho'pehch pan soc te cha'coht chay, la shach mohel sit ta ch'ulchan, la ya'be bendición, la xet'ticlan soc la yac'ticlambe te jnopojeletic scuenta yu'un ya spucticlambeyic. Soc la spucticlan te cha'coht chay ta stojolic.

Bible in Tzeltal de Oxchuc y Tenejapa

⁴¹ Te Jesús la stsac te jo'pejch' waj soc te cha'cojt' chaye. La stoy moel sit ta ch'ulchan. La yalbey wocol Dios yu'un, soc la xet' te waje. La yac'bey ta sc'ab te jnopojeletique te ya xba spucbeyic te ants-winiquetique, soc la yac' ta puquel uuc te cha'cojt' chaye.

San Marcos 6:41 ပူးပေါင်းရင်းမြစ်များ

San Mateo 14:19

Y la yaltalanbe te genteetike te ya snajkꞌan sbaik ta stenlejaltike. La stsak ta skꞌab te joꞌpejch waje sok te chaꞌkojt chaye, la skꞌelu moel te chꞌulchane, la yalbe kola yal Dios yuꞌun y la xeꞌtalan te waje. La yaꞌbe ta skꞌab te jnopojeletik yuꞌune y ba spuktalanbe te genteetike.

San Mateo 15:36

La stsak ta skꞌab te jukpejch waje sok te chayetike, la yalbe kola yal Dios yuꞌun. La xeꞌtalan, la yaꞌbe te jnopojeletik yuꞌune y ba spukbeyik te genteetike.

San Mateo 26:26

Yipalik to ta weꞌel a, te Jesuse la stsak xan ta skꞌab te waje sok la yalbe kola yal Dios yuꞌun. La xetꞌ te waje y la yaꞌbe te jnopojeletik yuꞌune. La yal: —Weꞌaik. Jaꞌ to jaꞌ jtiꞌbalul —xchi.

San Marcos 14:22

Te tut ora yipalikix ta weꞌel ae, te Jesuse la stsak te waje. La yalbe kolayal jTatik Dios yuꞌun. La xetꞌ sok la yaꞌbe te jnopojeletik yuꞌune. Jich a yal: —Ichꞌaik, jaꞌ me te jtiꞌbalule —xchi.

San Marcos 6:40

Jich nakajik ta stikꞌil tikꞌ ta sien ta jtul sok ta sinkuenta ta jtul.

San Marcos 6:42

Spisil a weꞌik asta ba kꞌalal te nojike.

San Marcos 7:34

Yo la skꞌeluy ta chꞌulchan te Jesuse sok la sjikꞌ yoꞌtan. Jich a yal: —Efata —xchi. Jaꞌ bi, “Jamuk”, xchi kꞌoem.

San Marcos 8:19

jal te la jxatbey joꞌpejch waj yuꞌun te joꞌmil ta jtule? ¿Jayeb moch a noj xan a te sobrail la atsobike? —xchi. La sjakꞌik: —Lajchayeb —xchiik.

San Lucas 24:30

Te kꞌalal ayikix ta mexa ae la stsak ta skꞌab te waje y la yalbe kola yal Dios yuꞌun. La xetꞌ y la yaꞌbe.

San Lucas 9:16

La xeꞌtalan, sok la yaꞌbe te jnopojeletike, y ba spukbeyik te genteetike.

San Juan 11:41

La slokꞌesik te tone, y te Jesuse la skꞌelu moel chꞌulchan. Jich la yal: —JTat, ya kalbeyat kola awal te la awaꞌibonix te jkꞌope.

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

San Juan 6:11

Te Jesuse la yichꞌ ta skꞌab te waje, sok la yalbe kola yal Dios yuꞌun. Patil la yaꞌbe te jnopojeletik yuꞌune, y la spukbeyik te machꞌatik te nakajtik ae. Y jich mismo spas sok te chaye, la yaꞌbe spisil te machꞌatik la skꞌanike.

San Juan 6:23

Pero jtsꞌin to nax a ay yan barkoetik a laj kꞌot te lijk tal ta jtejklum Tiberiase. Teꞌ laj kꞌot te ba luwar te nopol nax ay a ba la sweꞌik waj te la yalbe kola yal Dios yuꞌun te Kajwaltike.

Hechos 27:35

Te kꞌalal jicha yal te jPabloe, la stsak ta skꞌab te waje y la yalbe kolayal Dios yuꞌun ta sit spisilik. La xetꞌ te waje y lijk sweꞌ.

Romanos 14:6

Te machꞌa ya skanantay te jun kꞌaale yuꞌun ya yakꞌ ta jkuenta a te Kajwaltike. Jaꞌ yuꞌun ya skanantay. Te machꞌa makꞌ skanantaye, yuꞌun jich ya yakꞌ ta jkuenta a te Kajwaltike. Y machꞌa ya sweꞌ ta spisile, yuꞌun ya yakꞌ ta jkuenta a te Kajwaltike. Ya sweꞌ y ya yalbe kola yal Dios yuꞌun. Yan te machꞌa ma sweꞌ ta spisile, yuꞌun ya yakꞌ ta jkuenta a te Kajwaltike te ma sweꞌe, sok ya yalbe kola yal Dios yuꞌun.

1 Corintios 10:31

Ya kalbeyex: Teme ay tutꞌ ya xweꞌex o xꞌuchꞌaex o teme ay tut yan xan ya apasik, pasaik spisil ta skuenta slekilal a te Diose.

Colosenses 3:17

Y spisil te tut ya apasike o ya awalike, pasaik ta skuenta te Kajwaltik Jesuse. Sok albeyaik kola yal Dios te Tatil ta skuenta te Jesuse.