San Marcos 6:12 - Nuevo Testamento Tzeltal de Amatenango

¹² Jich lokꞌik bael te jnopojeletik, ba yalbe te genteetik te a me sujtes yoꞌtanik yuꞌun te smulike.

Bible in Tzeltal Bachajón

¹² Hich loq'uic bahel ta yalel te ac'a suhtes yo'tanic yu'un smulic te ants-winiquetique.

Bible in Tzeltal de Oxchuc y Tenejapa

¹² Jich bajt'ic ta xcholel ta stojol te ants-winiquetic, swenta yu'un ya sujt'es yo'tanic ta stojol Dios.

San Marcos 6:12 ပူးပေါင်းရင်းမြစ်များ

San Mateo 11:1

Te kꞌalal laj yoꞌtan te Jesuse ta spasel mantal te lajchaytul jnopojeletik yuꞌune, jajch bael teꞌa. Ba pꞌijuteswanuk sok ba yal skꞌop Dios te ba jtejklumetik teꞌa.

San Mateo 11:20

Te Jesuse lijk yalbe skꞌoplal te jtejklumetik te ba spasoj bayal smilagroe, pero te gentee ma sujtes yoꞌtanik yuꞌun te smulike. Jich a yal:

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 3:8

Aꞌ me chiknajuk ta ilel ta jamal ta skuenta awaꞌtelik te tutꞌil sujtemix awoꞌtanik ta stojol te Kajwaltike. Ma me xꞌawalik: “Te joꞌotike stsꞌumbalotik jꞌAbraham”, ma me xchiukex.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

San Mateo 9:13

Baan, nopaik te tut ya yal te Sjun Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil jmajtane”, te xchie. Ma jaꞌuk a tal kikꞌ te machꞌatik lek ta winikil ta skꞌopike. Jaꞌ a tal kikꞌ te jmulawiletike, jich me ya sujtes yoꞌtanik yuꞌun te smulike —xchi te Jesuse.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

San Marcos 1:3

Ya me xlijk ta kꞌop ta tꞌantꞌan luwar. Jich me ya yal ta kꞌop: ‘Chapaik me te sbe te Kajwaltike, toj me xapasbeyik bael te sbee’, xchi laj.

San Lucas 11:32

Sok teꞌ me ayik ekꞌa te jniniveetike. Jaꞌ me ya yalbeyik smul kꞌoem euk te genteetik te kuxajtik te ora to, porke te jniniveetike la sujtes yoꞌtanik yuꞌun smulik te kꞌalal la yaꞌiyik te skꞌop Dios te albot yuꞌun te Jonase. Yan te ora to liꞌ ay te machꞌa mukꞌ yuꞌun te Jonase.

San Lucas 13:3

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk.

San Lucas 13:5

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk —xchi te Jesuse.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Lucas 9:6

Jicha lokꞌik bael. Bajtik ta jtejklumetik. La yalbeyik te lek achꞌ kꞌop yuꞌun te kolele y la slekuteslan jchameletik.

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Hechos 26:20

Yuꞌun primero a kalbey te skꞌop Dios te machꞌatik aylan ta Damascoe, sok te nax ta Jerusalen, y sok spisil te estado yuꞌun Judeae, y sok te machꞌatik ma juriyouke. La kaltalanbe te yauk sjilesik te smulike, sok te yauk sujtes yoꞌtanik ta stojol Diose, sok yauk xchiknaj ta yaꞌtelik te sujtemix yoꞌtanike.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,